Border News Agency
နယူးယောက်၊ ဇန်နဝါရီ ၄။
ဗင်နီဇွဲလားသမ္မတမာဒူရိုနဲ့ ဇနီးကို အမေရိကန်နိုင်ငံ၊ နယူးယောက်မြို့ကိုခေါ်ဆောင်လာပြီး တရားစွဲမှုတွေကိုစလုပ်နေပါပြီ။
ဗင်နီဇွဲလားမြို့တော် ကရာကက်စ်မှာ အကြီးစားစစ်ဆင်ရေးကို ဇန်နဝါရီလ ၃ ရက်နေ့က အမေရိကန်ပြုလုပ်ခဲ့ပြီး မာဒူရိုနဲ့ဇနီးစီလီယာဖလောရက်စ်ကို ဝင်ရောက်ဖမ်းဆီးခဲ့တာပါ။
အဲဒီနောက် သူတို့နှစ်ဦးကို ဗင်နီဇွဲလားပိုင်နက်ထဲကခေါ်ထုတ်ပြီး နယူးယောက်သို့ပို့ဆောင်ခဲ့တာပါ။
သူတို့ကို နယူးယောက်တောင်ပိုင်းခရိုင်တရားရုံးမှာ အမှုဖွင့်တရားစွဲဆိုထားတယ်လို့ အမေရိကန်ရှေ့နေချုပ် Pam Bondi က ပြောပါတယ်။
အဲဒီအပြင် သူတို့ရဲ့ကိုယ်ရေးအချက်အလက်တွေကို အမေရိကန်အကောက်ခွန်နဲ့ နယ်စပ်ကာကွယ်ရေး (CBP) စနစ်အတွင်းသို့မထည့်သွင်းမီ ကိုယ်ခန္ဓာဆိုင်ရာအချက်အလက်တွေ၊ လက်ဗွေရာနဲ့ ရာဇဝတ်သားမှတ်တမ်းဓာတ်ပုံတွေရယူမယ်လို့ ဆိုပါတယ်။
မာဒူရိုနဲ့ဇနီးကို မူးယစ်ဆေးဝါးသုံးစွဲကာ အကြမ်းဖက်ကျူးလွန်ပူးပေါင်းကြံစည်မှု၊ ကိုကင်းတင်သွင်းမှု၊ စက်သေနတ်နဲ့ ဖျက်အားပြင်းလက်နက်တွေ လက်ဝယ်ထားရှိမှု၊ အမေရိကန်နိုင်ငံကိုဆန့်ကျင်ဖို့အတွက် စက်သေနတ်တွေ လက်ဝယ်ထားရှိပူးပေါင်းကြံစည်မှုတွေနဲ့ စွဲချက်တင်ထားတာဖြစ်ပါတယ်။
အဲဒီစွဲချက်ကို အမေရိကန်တရားရုံးမှာ လာမယ့် ဇန်နဝါရီလ ၅ ရက်နေ့မှာ ပြုလုပ်မှာဖြစ်ပါတယ်။
