Border News Ageny
ရုရှား၊ ဖေဖော်ဝါရီ ၃။
မြန်မာနဲ့ ရုရှား နှစ်နိုင်ငံကာကွယ်ရေးဝန်ကြီးဌာနတွေကြား စစ်ဘက်ဆိုင်ရာ ပူးပေါင်းဆောင်ရွက်ဖို့ ဖေဖော်ဝါရီလ ၂ ရက်၊မနေ့ကလက်မှတ်ရေးထိုးခဲ့ကြတယ်လို့ စစ်ကော်မရှင်တပ်ကထုတ်ပြန်ပါတယ်။
အဲဒီလက်မှတ်ကို နှစ်နိုင်ငံ ဒု-ကာကွယ်ရေးဝန်ကြီးတွေဖြစ်တဲ့ ဗိုလ်ချုပ်အောင်မျိုးသန့်နဲ့ ရုရှား ဒု-ကာကွယ်ရေးဝန်ကြီး Mr. Vasilii Sergeevich Osmakov တို့က ရေးထိုးလဲလှယ်ခဲ့ကြတာပါ။
အဲဒီအပြင် ရုရှားဒု-ကာကွယ်ရေးဝန်ကြီးဟာ ဗိုလ်ချုပ်ကြီးမောင်မောင်အေးနဲ့လည်း တွေ့ဆုံခဲ့ပြီး နှစ်နိုင်ငံကြား ကာကွယ်ရေးဆိုင်ရာ ပူးပေါင်းဆောင်ရွက်မှုတွေ ပိုတိုးမြှင့်ဖို့ ဆွေးနွေးခဲ့ကြတယ်လို့ ဆိုပါတယ်။
အဲဒီထဲအဓိကအနေနဲ့ စစ်ဘက်နည်းပညာ၊ သင်တန်းနဲ့ လေ့ကျင့်ရေးကိစ္စတွေကို အလေးထား ဆွေးနွေးခဲ့ကြတယ်လို့ ဆိုပါတယ်။
စစ်ကော်မရှင်တပ်ဟာ ရုရှားဆီကရတဲ့ လေယာဉ်တွေနဲ့ စစ်လက်နက်ပစ္စည်းတွေကို အသုံးပြုပြီး နိုင်ငံတဝှမ်းရှိ အရပ်သားပြည်သူတွေကို လေကြောင်းတိုက်ခိုက်တာ၊လက်နက်ကြီးပစ်ခတ်တာတွေ နေ့စဉ်နဲ့အမျှလုပ်ဆောင်နေတာပါ။
ဒီလိုတိုက်ခိုက်မှုတွေကြောင့် ကလေးသူငယ်တွေအပါအဝင် အရပ်သားပြည်သူ အများအပြား သေဆုံးဒဏ်ရာရနေပြီး ဘာသာရေးအဆောက်အအုံတွေနဲ့ လူနေအိမ်တွေလည်း ပျက်စီးဆုံးရှုံးနေရပါတယ်။
