Border News Agency
ဖယ်ခုံ၊ဖေဖော်ဝါရီ ၃။
ကရင်နီအမျိုးသားများကာကွယ်ရေးတပ် (KNDF) တပ်ရင်း ၁၅ ဟာ ပြီးခဲ့တဲ့ ဇန်နဝါရီလ၃၀ ရက်နေ့က ကရင်နီပြည် မြေပြင်တနေရာမှာ ပြည်သူလူထုနဲ့ တွေ့ဆုံပွဲပြုလုပ်ခဲ့ပါတယ်။
အဲဒီအခမ်းအနားမှာ ကရင်နီအမျိုးသားအလံနဲ့ KNDF အလံကို အလေးပြုကြသလို ကျဆုံးသွားတဲ့ အာဇာနည်သူရဲကောင်းတွေကို အလေးပြုတာနဲ့ KNDF သစ္စာအဓိဋ္ဌာန်ရွတ်ဆိုတာတွေကိုလည်း လုပ်ဆောင်ခဲ့ကြပါတယ်။
အဲဒီတွေ့ဆုံပွဲမှာ KNDF တပ်ရင်းမှူး၊ ဗဟိုကော်မတီဝင်တွေနဲ့ ဗျူဟာ (၆) ဗျူဟာမှူးတို့က လက်ရှိစစ်ရေးအခြေအနေတွေကို ရှင်းလင်းပြောကြားခဲ့သလို၊ IEC ကော်မတီဝင်နဲ့ မြို့နယ်အုပ်ချုပ်ရေး တာဝန်ရှိသူတွေကလည်း လက်ရှိနိုင်ငံရေးအခြေအနေတွေကို ချပြပြီး အားပေးစကားတွေ ပြောကြားခဲ့ကြပါတယ်။
အဲဒီအပြင် တော်လှန်ရေးကာလအတွင်း ကျဆုံးသွားခဲ့တဲ့ KNDF တပ်ရင်း ၁၅ က ရဲဘော်တွေနဲ့ ကိုယ်လက်အင်္ဂါစွန့်လွှတ်ခဲ့ရတဲ့ ရဲဘော်တွေကို ဂုဏ်ပြုခဲ့ကြပြီး ဒုတပ်ရင်းမှူးကလည်း ကျေးဇူးတင်စကား ပြောကြားခဲ့တယ်လို့ သိရပါတယ်။
