Border News Agency
ဘန်ကောက်၊ ဖေဖော်ဝါရီ ၁၀။
ဘန်ကောက်ဒွန်မောင်းအပြည်ပြည်ဆိုင်ရာလေဆိပ်မှာ ခရီးသည်တွေပိုမိုမြန်မြန်ဆန်ဆန် ဖြတ်သန်းနိုင်ဖို့အတွက် အလိုအလျောက် ပတ်စပို့စစ်ဆေးတဲ့စက် (ABC) တွေကို စတင်တပ်ဆင်နေပြီလို့ လေဆိပ်လူဝင်မှုကြီးကြပ်ရေးဌာနက ဖေဖော်ဝါရီ ၁၀ ရက်၊ ဒီနေ့ ထုတ်ပြန်ပါတယ်။
အဲဒီစနစ်ကို လူဝင်မှုကြီးကြပ်ရေးဌာနနဲ့ လေဆိပ်အာဏာပိုင်တွေ ပူးပေါင်းလုပ်ဆောင်တာဖြစ်ပြီး ပထမအဆင့်အနေနဲ့ နိုင်ငံခြားထွက်ခွာမယ့်ဇုန်မှာ စက်တွေတပ်ဆင်ပြီးသွားပြီလို့ သိရပါတယ်။
အဲဒါကြောင့် မကြာခင်မှာတော့ ခရီးသည်တွေနဲ့အတူ လက်တွေ့စမ်းသပ်မှုတွေ လုပ်သွားမှာဖြစ်ပါတယ်။
အဲဒီလေဆိပ်လူဝင်မှုကြီးကြပ်ရေး ရဲအရာရှိတွေကိုလည်း ကနေဒါတော်ဝင်မြင်းစီးရဲတပ်ဖွဲ့ (RCMP) နဲ့ ကနေဒါနယ်စပ်ဝန်ဆောင်မှုအေဂျင်စီ (CBSA) တို့ကနေ ဖေဖော်ဝါရီ ၉ ရက်နဲ့ ၁၀ ရက်တွေမှာ သင်တန်းပေးခဲ့ပါတယ်။
အဓိကကတော့ ပတ်စပို့စစ်ဆေးတဲ့နေရာမှာ အဆင့်မြင့်နည်းပညာတွေသုံးပြီး လေဆိပ်အတွင်းခရီးသည်စီးဆင်းမှု ပိုသွက်လာအောင်နဲ့ လုံခြုံရေးဆိုင်ရာစစ်ဆေးမှုတွေ ပိုပြီးခိုင်မာလာအောင်ရည်ရွယ်ပြီး သင်တန်းပေးခဲ့တာလို့ ဆိုပါတယ်။
