ပြည်သူ့ကာကွယ်ရေးတပ်မတော် (မန္တလေး) MDY-PDF တည်ထောင်တာ ဒီနေ့ဆိုရင် ၅ နှစ်ပြည့်သွားပြီဖြစ်ပြီး တော်လှန်ရေးပန်းတိုင်ရောက်တဲ့အထိ အားကောင်းမောင်းသန်နဲ့ ဆက်ပြီးတိုက်ပွဲဝင်သွားမယ်လို့ ထုတ်ပြန်လိုက်ပါတယ်။
MDY-PDF ဟာ အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာနရဲ့ တိုက်ရိုက်ကွပ်ကဲမှုအောက်မှာ “အထူးလှုပ်ရှားတပ်မ” အဖြစ် တော်လှန်ရေးတာဝန်တွေကို ထမ်းဆောင်နေတာ ဖြစ်ပါတယ်။
ဒီ ၅ နှစ်တာအတွင်းမှာ ၁၀၂၇ စစ်ဆင်ရေးနဲ့ ရှမ်း-မန်း စစ်ရေးတွေအပါအဝင် စစ်နယ်မြေအသီးသီးမှာ အဓိကတပ်ဖွဲ့တခုအနေနဲ့ ပါဝင်ပြီး စွမ်းဆောင်ရည်ကောင်းတွေ ပြသနိုင်ခဲ့တယ်လို့လည်း ဆိုပါတယ်။
လွတ်လပ်ပြီး တရားမျှတတဲ့ ဖက်ဒရယ်ဒီမိုကရေစီ နိုင်ငံသစ်ကို ရောက်ဖို့အတွက် တခြားတော်လှန်ရေးအင်အားစုတွေနဲ့အတူ လက်တွဲပြီး အဆုံးအထိ တိုက်ပွဲဝင်သွားဖို့ ဆန္ဒရှိနေတာပါ။
နွေဦးတော်လှန်ရေးကို အဆုံးသတ်အထိ မောင်းနှင်ပေးနိုင်မယ့် အဓိကတွန်းအားတစ်ခုအဖြစ် ဆက်လက်ရပ်တည်သွားမယ်လို့လည်းဆိုပါတယ်။
