Border News Agency
တဟီရန်၊ မတ် ၄။
အမေရိကန်နဲ့ အစ္စရေးပူးပေါင်းတပ်ဖွဲ့တွေဟာ အီရန်နိုင်ငံ၊ တဟီရန်မြို့တော်ရဲ့ အနောက်ဘက်ခြမ်းမှာရှိတဲ့ ရေနံသိုလှောင်ရုံ တွေကို လေကြောင်းကနေ တိုက်ခိုက်ခဲ့တယ်လို့ ဒေသတွင်းမီဒီယာတွေမှာဖော်ပြပါတယ်။
အဲဒီတိုက်ခိုက်မှုကြောင့် ရေနံသိုလှောင်ရုံဝန်းအတွင်းမှာ ပြင်းထန်တဲ့ ပေါက်ကွဲမှုတွေ ဆက်တိုက်ဖြစ်ပွားခဲ့ပြီး မီးတောက်ကြီးတွေနဲ့ မီးခိုးလုံးကြီးတွေဟာ ကောင်းကင်ယံအထိ မြင်တွေ့နေရတယ်လို့ ပြည်သူတွေကလည်းသူတို့ရဲ့ လူမှုကွန်ရက်တွေမှာတင်ထားကြပါတယ်။
အဲဒီနေရာဟာ အီရန်ရဲ့စွမ်းအင်ကဏ္ဍအတွက် အရေးပါတဲ့ ထောက်ပံ့ရေးဗဟိုချက်တခု ဖြစ်တာကြောင့် အခုလို ဗုံးကြဲခံရမှုဟာ အီရန်ရဲ့ လောင်စာဆီကဏ္ဍကို ကြီးမားတဲ့ ထိုးနှက်ချက် ဖြစ်စေမှာပါ။
လက်ရှိမှာ တဟီရန်မြို့ရဲ့ အနောက်ဘက် ကောင်းကင်ယံတခုလုံးဟာ မီးတောက်တွေကြောင့် နီရဲနေပြီး မီးသတ်တပ်ဖွဲ့တွေကတော့ အခြေအနေကို ထိန်းချုပ်ဖို့ ကြိုးပမ်းနေကြပါတယ်။
အမေရိကန်နဲ့ အစ္စရေးတို့ဟာအီရန်ရဲ့ စစ်ရေးပစ်မှတ်တွေအပြင် စီးပွားရေးနဲ့ စွမ်းအင်ဆိုင်ရာ အခြေခံအဆောက်အဦတွေကိုပါ တိုးမြှင့်တိုက်ခိုက်လာနေတာ ဖြစ်ပါတယ်။
