Border News Agency
အီရန်၊ မတ် ၈။
အီရန်မြို့တော်၊ တီဟီရန်မှာ အမေရိကန်နဲ့အစ္စရေးတို့ရဲ့ လေကြောင်းတိုက်ခိုက်မှုကြောင့် မတ်လ ၈ ရက်၊ ဒီနေ့မနက် ၈ နာရီကနေ ၉ နာရီအချိန်အထိ ကောင်းကင်ယံတခုလုံး မီးခိုးအမည်းရောင်တွေဖုံးလွှမ်းသွားခဲ့တယ်လို့ ဒေသတွင်းမီဒီယာတွေမှာဖော်ပြပါတယ်။
မြို့တော်အတွင်းရှိရေနံသိုလှောင်ကန်တွေနဲ့ ရေနံချက်စက်ရုံတွေကို ပစ်မှတ်ထားဗုံးကြဲခဲ့ရတာကြောင့် အပြင်းအထန် မီးလောင်ကျွမ်းခဲ့ပြီး အဲဒီကထွက်လာတဲ့မီးခိုးမှိုင်းတွေဟာ ကောင်းကင်ယံကိုဖုံးလွှမ်းသွားခဲ့တာပါ။
အဲဒီထဲတီဟီရန်မြို့ရဲ့ အချို့နေရာတွေမှာ ရေနံအမှုန်အမွှားတွေနဲ့ မီးခိုးမှိုင်းတွေရောနှောနေတဲ့ ရေနံမိုးအမည်းရောင်တွေရွာချခဲ့တယ်လို့လည်း ပြည်သူတွေကဆိုကြပါတယ်။
အဲဒီဖြစ်စဉ်ဟာ ရေနံစွမ်းအင်အခြေစိုက်စခန်းတွေ ပေါက်ကွဲမီးလောင်ရာကနေထွက်လာတဲ့ ရေနံငွေ့တွေနဲ့မီးခိုးမှိုင်းတွေဟာ လေထုထဲမှာပျံ့နှံ့ပြီးနောက် မိုးရေနဲ့အတူပြန်လည်ကျဆင်းလာတာဖြစ်တယ်လို့ သိရပါတယ်။
