Border News Agency
နေပြည်တော်၊ မတ်လ ၁၉။
ထိုင်းနဲ့ မြန်မာတပ်မတော်နှစ်ရပ်ကြားပူးပေါင်းဆောင်ရွက်မယ့်ကိစွတွေကို စစ်ခေါင်းဆောင်မင်းအောင်လှိုင်ဟာ ထိုင်းဘုရင့်တပ်မတော်ကာကွယ်ရေးဦးစီးချုပ် General Ukris Boontanondha ဦးဆောင်တဲ့အဖွဲ့ကို မတ်လ ၁၈ ရက်နေ့က နေပြည်တော်မှာလက်ခံတွေ့ဆုံခဲ့ပါတယ်။
ဒီတွေ့ဆုံပွဲမှာ နှစ်နိုင်ငံတပ်မတော်ကြားပူးပေါင်းဆောင်ရွက်မှုတိုးမြှင့်ဖို့အပြင် နယ်စပ်ဒေသတည်ငြိမ်ရေး၊ တရားမဝင်ကုန်သွယ်မှုနဲ့မူးယစ်ဆေးဝါးတားဆီးနှိမ်နင်းရေးကိစ္စတွေကို ဆွေးနွေးခဲ့ကြတယ်လို့ သိရပါတယ်။
အဲဒီအပြင် နယ်စပ်ဖြတ်ကျော်မီးခိုးမြူငွေ့လျှော့ချရေးနဲ့ အွန်လိုင်းငွေကြေးလိမ်လည်မှုတွေကိုနှိမ်နင်းဖို့ ပူးပေါင်းဆောင်ရွက်မယ့်ကိစ္စတွေကိုလည်း ထည့်သွင်းဆွေးနွေးခဲ့ကြပါတယ်။
နောက်ပြီးမြန်မာ-ထိုင်း တပ်မတော်နှစ်ရပ်ကြား အဆင့်မြင့်အရာရှိကြီးတွေအစည်းအဝေးကျင်းပမယ့် အခြေအနေတွေနဲ့နှစ်နိုင်ငံရွေးကောက်ပွဲဆိုင်ရာ ကိစ္စရပ်တွေကိုလည်းပြောဆိုခဲ့ကြတာပါ။
ဒီတွေ့ဆုံပွဲကို စစ်ခေါင်းဆောင်ဖက်ဘက်က ဒုတိယစစ်ခေါင်းဆောင် စိုးဝင်းအပါအဝင် ထိပ်သီးစစ်အရာရှိကြီးတွေ တက်ရောက်ခဲ့ကြပါတယ်။
