Border News Agency
ဝါရှင်တန်၊ ဧပြီ ၇ ။
နေတိုး(NATO)အဖွဲ့ဟာ စက္ကူကျားသာဖြစ်ပြီး ရုရှားသမ္မတပူတင်ဟာ နေတိုးကိုမကြောက်ဘဲ အမေရိကန်ကိုသာကြောက်ရွံ့တာဖြစ်တယ်လို့ သမ္မတထရန့်က သတင်းထောက်တွေကို ပြောကြားလိုက်ပါတယ်။
အီရန်အရေးနဲ့ပတ်သက်ပြီးအီရန်ဟာ စစ်ရေးအရရှုံးနိမ့်သွားပြီဖြစ်လို့ ပင်လယ်ရေကြောင်းလမ်းကြောင်းတွေမှာ အခကြေးငွေကောက်ခံခွင့် မရှိသင့်တော့ဘဲ တနိုင်ငံလုံးကိုလည်းတညတွင်းချင်း ဖျက်ဆီးပစ်နိုင်တယ်လို့ သတိပေးခဲ့ပါတယ်။
အဲဒီအပြင် တောင်ကိုရီးယား၊ ဂျပန်နဲ့အော်စတြေးလျတို့ဟာ အမေရိကန်ကိုအကူအညီမပေးကြဘဲ အမေရိကန်ကသာ သူတို့ကိုကာကွယ်ပေးနေရတာ ဖြစ်တယ်လို့လည်း ဝေဖန်ပြောဆိုပါတယ်။
မြောက်ကိုရီးယားခေါင်းဆောင် ကင်ဂျုံအန်းနဲ့မိမိအကြား ရင်းနှီးတဲ့ဆက်ဆံရေးရှိကြောင်းနဲ့ကင်ဂျုံအန်းဟာ သမ္မတဟောင်းဂျိုးဘိုင်ဒင်ကိုသာ ပြင်းပြင်းထန်ထန်ဝေဖန်ခဲ့တာဖြစ်ကြောင်း ထရန့်ကထည့်သွင်းပြောဆိုခဲ့ပါတယ်။
ဗင်နီဇွဲလားနိုင်ငံမှာ မိမိသာသမ္မတဝင်ပြိုင်ရင် အပြတ်အသတ်အနိုင်ရမှာဖြစ်ပြီး အမေရိကန်မှာတာဝန်ပြီးဆုံးပါက ဗင်နီဇွဲလားမှာနိုင်ငံရေးလုပ်ဖို့ စိတ်ကူးရှိကြောင်းလည်း နောက်ပြောင်ပြောကြားခဲ့ပါတယ်။
