Border News Agency
အီရန်၊ဧပြီ ၁၁။
အီရန်အစိုးရဟာ ကမ္ဘာ့ရေကြောင်းကုန်သွယ်ရေးမှာ အရေးပါတဲ့ဟော်မုဇ်ရေလက်ကြားကို အပြီးပိတ်လိုက်ပြီး ဆီတင်သင်္ဘောတွေကို ပြန်လှည့်ခိုင်းနေတယ်လို့ Reuters သတင်းမှာ ဖော်ပြထားပါတယ်။
အဲဒီရေလက်ကြားအနီး ရောက်ရှိနေတဲ့ကုန်တင်သင်္ဘော ၁၀၀၀ နဲ့ ဆီတင်သင်္ဘော ၁၈၇ စင်းကိုလည်း အီရန်ကထွက်ခွင့်မပေးဘဲ တားဆီးထားတယ်လို့ ဆိုပါတယ်။
အမေရိကန်နဲ့ အီရန်တို့ အပစ်ရပ်စဲကြောင်းကြေညာပြီးနောက်ပိုင်း ရေလက်ကြားမှာသင်္ဘောသွားလာမှု အနည်းငယ်ရှိခဲ့ပေမယ့် အခုအခါမှာတော့ အီရန်ကရုတ်တရက်လမ်းကြောင်းပိတ်လိုက်တာဖြစ်ပါတယ်။
အီရန်ရဲ့ အခုလိုလုပ်ရပ်ဟာ ကမ္ဘာတစ်ဝှမ်းမှာလောင်စာဆီ အကျပ်အတည်းကို အကြီးအကျယ်ဖြစ်စေနိုင်တာကြောင့် နိုင်ငံတကာအနေနဲ့ စုစည်းညီညွတ်စွာ ဖြေရှင်းဖို့အချိန်တန်ပြီလို့ နိုင်ငံရေးအကဲခတ်တွေက ထောက်ပြနေကြပါတယ်။
”နိုင်ငံတကာကို ဖွင့်လိုက်၊ ပိတ်လိုက်နဲ့ ကစားနေတာကို စုစည်းမှုနဲ့မရပ်တန့်နိုင်ရင် နိုင်ငံတိုင်းရဲ့တည်ငြိမ်မှုဟာ တဖြည်းဖြည်းပျက်ပြားသွားနိုင်တယ်” လို့လည်း ကမ္ဘာ့နိုင်ငံရေးအကဲခတ်တွေက သတိပေးပြောဆိုနေကြပါတယ်။
