Border News Agency
အိန္ဒိယ၊ဇွန် ၅။
မြန်မာ-အိန္ဒိယနယ်စပ်ဒေသတလျှောက်မှာရှိတဲ့ လက်နက်ကိုင်အဖွဲ့တွေနဲ့ မူးယစ်ဆေးဝါး ကိစ္စရပ်တွေကို အပြီးအပြတ် ရှင်းလင်းဆောင်ရွက်နိုင်မယ်လို့ ယုံကြည်ကြောင်း သမ္မတတု ဦးမင်းအောင်လှိုင်က ပြောဆိုလိုက်ပါတယ်။
သူ့ရဲ့ အိန္ဒိယခရီးစဉ်အတွင်း နယူးဒေလီမြို့မှာ DD India သတင်းဌာနနဲ့ သီးသန့်တွေ့ဆုံမေးမြန်းခန်းမှာ အခုလို ပြောကြားခဲ့တာ ဖြစ်ပါတယ်။
မိမိတို့ တာဝန်ယူထားတဲ့ အစိုးရအနေနဲ့ ဒီမိုကရေစီ ခိုင်ခိုင်မာမာဖြစ်အောင် လုပ်ဆောင်သွားမှာဖြစ်ပြီး နိုင်ငံရေးအပေါ် မူတည်ကာ တောင်းဆိုချက်တွေနဲ့ တိုင်းရင်းသားအရေး တောင်းဆိုချက်တွေကိုလည်း ဒီမိုကရေစီစနစ်ကျကျ ညှိနှိုင်းဖြေရှင်းဆောင်ရွက်သွားဖို့ လိုတယ်လို့ ဆိုပါတယ်။
ဒါ့အပြင် မြန်မာ-အိန္ဒိယ နယ်စပ်ဒေသတလျှောက်မှာ မိုးမကျမီလုံခြုံရေးအခြေအနေ တိုးတက်အောင် ကြိုးစားဆောင်ရွက်နေတယ်လို့လည်းဆိုပါတယ်။
နောက်ပြီးလုံခြုံရေးအခြေအနေ တိုးတက်ကောင်းမွန်လာပြီဆိုရင် လက်နက်ကိုင်ကိစ္စတွေ၊ တည်ငြိမ်အေးချမ်းမှုကို ထိခိုက်နေတဲ့ ကိစ္စရပ်တွေနဲ့ မူးယစ်ဆေးဝါး ကိစ္စရပ်တွေဟာ အများကြီး လျော့ကျသွားမယ်လို့လည်းဆိုပါတယ်။
