Border News Agency
ဘားအံ၊ စက်တင်ဘာ ၃။
ကလေး၊ ဘားအံ၊ မဒေါက်နဲ့ ပဲခူးမြို့မှာ မြစ်ရေတွေဟာ စိုးရိမ်ရေမှတ်အထက်ကျော်လွန်နေတယ်လို့ မိုးလေဝသနဲ့ဇလဗေဒညွှန်ကြားမှုဦးစီးဌာနက စက်တင်ဘာလ ၃ ရက်၊ ဒီနေ့ထုတ်ပြန်ပါတယ်။
အဲဒီကလေးမြို့မှာ စက်တင်ဘာလ ၃ ရက်၊ မနက် ၆ နာရီခွဲအချိန် တိုင်းထွာချက်အရ စိုးရိမ်ရေမှတ်အထက် ၁ ပေ ၁ လက်မခန့်ကျော်လွန်ရောက်ရှိနေပြီး နောက် ၁ ရက်အတွင်း ၁ ပေ ၆ လက်မခန့် မြင့်တက်လာနိုင်တယ်လို့ ဆိုပါတယ်။
အဲဒီအပြင်ဘားအံမြို့မှာ စိုးရိမ်ရေမှတ်အထက် ၃ ပေ ၃ လက်မခန့်ကျော်လွန်ရောက်ရှိနေပြီး နောက် ၁ ရက်အတွင်း ၆ လက်မခန့်ကျဆင်းလာနိုင်ပေမယ့် စိုးရိမ်ရေမှတ်အထက်မှာရှိနေပါတယ်။
အဲဒီမဒေါက်မြို့ရဲ့ စိုးရိမ်ရေမှတ်ဟာလည်း ၂ ပေ ၉ လက်မခန့်ကျော်လွန်ရောက်ရှိနေပြီး နောက် ၁ ရက်အတွင်း ၆ လက်မခန့်ကျဆင်းလာနိုင်ပေမယ့် စိုးရိမ်ရေမှတ်အထက်မှာရှိနေတာဖြစ်ပါတယ်။
နောက်ပြီး ပဲခူးမြို့မှာစိုးရိမ်ရေမှတ်အထက် ၁ ပေ ၅ လက်မခန့်ကျော်လွန်ရောက်ရှိနေပြီး နောက် ၁ ရက်အတွင်း ၆ လက်မခန့်ကျဆင်းလာနိုင်ပေမယ့် စိုးရိမ်ရေမှတ်အထက်မှာတည်ရှိနိုင်တယ်လို့ အသိပေးထားပါတယ်။
အဲဒါကြောင့်မြို့လေးမြို့အတွင်းရှိ မြစ်ကမ်းအနီးနဲ့ မြေနိမ့်ပိုင်းနေထိုင်သူတွေအနေနဲ့ ရေဘေးလွတ်ရာနေရာတွေကို တိမ်းရှောင်ကြဖို့ကိုလည်း မိုးလေဝသနဲ့ဇလဗေဒညွှန်ကြားမှုဦးစီးဌာနက သတိပေးထားပါတယ်။
Website –
X(Twitter) –https://x.com/BNABurmese
Telegram –https://t.me/bordernews
YouTube –https://www.youtube.com/@BNABurmese
#ကလေး #ဘားအံ #မဒေါက် #ပဲခူးမြို့ #စိုးရိမ်ရေမှတ် #BNA
