Border News Agency
သံတွဲ၊ စက်တင်ဘာ ၄။
အာရက္ခတပ်တော်(AA)ထိန်းချုပ်ထားတဲ့ သံတွဲကမ်းခြေတလျှောက်ကို စက်တင်ဘာလ ၄ ရက်၊ဒီနေ့ နေ့လည် ၁၂ နာရီကျော်အချိန်က အာဏာသိမ်းစစ်သင်္ဘောတွေ လက်နက်ကြီးတွေပစ်ခတ်နေပါတယ်။
အဲဒီသံတွဲအနီးပင်လယ်ပြင်ရှိ အာဏာသိမ်းစစ်သင်္ဘောတွေက ကမ်းခြေတလျှောက်ကိုပစ်ခတ်နေတာပါ။
အဲဒီအပြင် ဂွကမ်းခြေတလျှောက်ကိုလည်း အာဏာသိမ်းစစ်သင်္ဘောကြီးတွေက လက်နက်ကြီးတွေပစ်ခတ်နေပါတယ်။
အဲဒီသံတွဲကမ်းခြေတလျှောက်ကို စက်တင်ဘာလ ၃ ရက်နေ့၊နံနက် ၁၁ နာရီ ၀၂ မိနစ်ခန့်ကလည်း အာဏာသိမ်းစစ်သင်္ဘောကြီးတွေက လက်နက်ကြီးတွေစတင်ပစ်ခတ်တိုက်ခိုက်ခဲ့တယ်လို့ အာရက္ခတပ်တော်ထုတ်ပြန်ပါတယ်။
အဲဒါကြောင့် အာရက္ခပြည်သူတွေဟာအာဏာသိမ်းစစ်တပ်ရေကြောင်းရန်ကို အထူးသတိထားကြဖို့ အာရက္ခတပ်တော်အသိပေးထားပါတယ်။
အာရက္ခတပ်တော်ထိန်းချုပ်ထားတဲ့ပင်လယ်ကမ်းခြေအနီးရှိ မြို့နယ်တချို့ကို အာဏာသိမ်းစစ်တပ်က ကမ်းတက်စစ်ဆင်ရေးပြုလုပ်ဖို့ကြိုးစားနေပေမယ့် အာရက္ခတပ်တော်ကပစ်ခတ်နေတာမို့ ကမ်းမတက်နိုင်သေးဘူးလို့ ဒေသခံတွေကဆိုကြပါတယ်။
အဲဒါကြောင့် အာဏာသိမ်းစစ်တပ်ကလေကြောင်းတိုက်ခိုက်မှုတွေ မကြာခဏပြုလုပ်နေပြီး ဝေဟင်၊ရေပြင်နှစ်ဖက်ပစ်ခတ်တိုက်ခိုက်နေတာဖြစ်ပါတယ်။
