​Border News Agency

မင်းတပ်၊ နိုဝင်ဘာ ၁၃။

​ချင်းပြည်တောင်ပိုင်း၊မင်းတပ်မြို့နယ်၊တိုက်နယ် ၁၂ ရှိ ကျေးရွာတရွာနဲ့ မင်းတပ်-မတူပီ ကားလမ်းဘေးတနေရာကို အာဏာသိမ်းစစ်တပ် လေကြောင်းတိုက်ခိုက်လို့ နှစ်ဦး သေဆုံးပြီး ကလေးငယ်နှစ်ဦးအပါအဝင် သုံးဦးဒဏ်ရာရသွားခဲ့ပါတယ်။

အဲဒီမတူပီကားလမ်းဘေးတနေရာကို ​နိုဝင်ဘာလ ၁၂ ရက်၊ ည ၁၁ နာရီခွဲအချိန်က အာဏာသိမ်းစစ်တပ်လေကြောင်းတိုက်ခိုက်ခဲ့တာပါ။

အဲဒီလိုတိုက်ခိုက်ခဲ့တာကြောင့် အသက်ခြောက်ဆယ်ဝန်းကျင်အရွယ် အမျိုးသားတဦးနဲ့ အသက်သုံးဆယ် ကျော်အရွယ် အမျိုးသားတဦးတို့ သေဆုံးခဲ့ပါတယ်။

အဲဒီအပြင်ဘုန်းကြီးကျောင်း၊ စာသင်ကျောင်းတို့အပါအဝင် ပြည်သူ့နေအိမ် ဆယ်လုံးကျော် ပျက်စီးသွားခဲ့ပါတယ်။