Border News Agency
စစ်တွေ၊ ဩဂုတ် ၉။
စစ်ကော်မရှင်ထိန်းချုပ်ထားဆဲစစ်တွေမြို့သို့ လေယာဉ်စီးပြီး ဝင်ရောက်လာသူအားလုံးကို စစ်တပ်က ပိုမိုတင်းကြပ်စွာစစ်ဆေးနေတယ်လို့ ကိုယ်တိုင်ကြုံ တွေ့ခဲ့ကြသူတွေနဲ့မြို့ခံတွေက အတည်ပြုပြောကြပါတယ်။
ရန်ကုန်မြို့မှစစ်တွေမြို့သို့ ဝင်ရောက် လာသူတွေကို စစ်တွေလေဆိပ်အဝင်မှာ စစ်တပ်က တဦးချင်းစီ အသေးစိတ်စစ်ဆေးပြီးမှ မြို့တွင်းဝင်ခွင့်ပြုတာလို့ကိုယ်တိုင်ကြုံတွေ့ခဲ့ကြသူတွေက ဆိုကြပါတယ်။
“အဓိကကတော့ အာရက္ခတပ်တော် (AA)တပ်ဖွဲ့ဝင်တွေ၊သူတို့နဲ့ပတ်သက်နေသူတွေ မြို့တွင်းကို ဝင်ရောက်လာမှာကိုစိုးရိမ်ပုံရပါတယ်။ခရီးသည်တဦးချင်းစီရဲ့ အသေးစိတ်အချက်အလက်တွေကို မေးမြန်းတယ်။ VIP အခန်းထဲမှာ တယောက်ချင်းစီကို ခေါ်ပြီး အ သေးစိတ်စစ်ပါတယ်။ ဖုန်းတွေကို စစ်ပါတယ်။ တချို့ဆိုရင် အင်္ကျီတွေချွတ်ပြခိုင်းပါတယ်။ပြီးရင် ဓာတ်ပုံရိုက်ပါတ ယ်။စစ်တပ်က အဓိက စစ်တာပါ။”လို့ ကိုယ်တိုင်ကြုံတွေ့အစစ်ခံခဲ့ရသူတဦးက Border News Agency ကိုပြောပါတယ်။
အဲဒီလိုဝင်ရောက်လာကြသူတွေရဲ့ဖုန်းထဲမှာ AA ၊ NUG၊ PDF စတာတွေနဲ့ပတ် သက်လို့ တခုခုတွေ့ရင် ဆက်လက်ဖမ်း ဆီးထားတာတွေထိရှိတယ်လို့လည်း ကို ယ်တိုင်ကြုံတွေ့ခဲ့ကြသူတွေက ဆိုကြပါတယ်။
စစ်တွေမြို့မှရန်ကုန်မြို့သို့ လေကြော င်းသာဖွင့်ပေးထားပြီး ကုန်းလမ်း၊ရေ လမ်းအားလုံးကို စစ်တပ်က ပိတ်ထားသလို လေကြောင်းက ဝင်ရောက်လာကြသူတွေကိုလည်း အတင်းကြပ်ဆုံးစ စ်ဆေးနေတာလို့ စစ်တွေမြို့ခံတွေက ဆိုကြပါတယ်။
“စစ်တွေကိုသွားမယ်ဆိုရင် စစ်တပ်ဆီမှာ အစစ်ခံနိုင်မှသွားတာကောင်းပါတ ယ်။မဟုတ်ရင် အချိန်မရွေး အဖမ်းခံသွားရနိုင်ပါတယ်။”လို့ ကိုယ်တိုင်ကြုံ တွေ့ စစ်ဆေးခံခဲ့ရတဲ့စစ်တွေမြို့ခံတဦးက Border News Agency ကို ပြောပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအ ဝင်တဆယ့်ငါးမြို့နယ်ကို အပြီးသတ်သိမ်းပိုက်ထိန်းချုပ်ထားပြီး စစ်တွေမြို့ နယ်အပါအဝင် သုံးမြို့နယ်ကို စစ်ကော် မရှင်က ဆက်လက်ထိန်းချုပ်ထားပါတယ်။
စစ်တွေမြို့နယ်မှာ စစ်ကော်မရှင်က စစ်သည်၊ လက်နက်၊ ရိက္ခာဖြည့်တင်းထားတွေပြုလုပ်နေသလို အရပ်သားပြည်သူတွေကို ဖမ်းဆီးတာတွေ နေ့စဥ်ရက်ဆ က်ပြုလုပ်နေကြပြီးရခိုင်ပြည်လွတ် မြောက်ရေးပါတီ(ALP)တပ်ဖွဲ့ဝင်တွေလည်းပါဝင်နေကြတယ်လို့ စစ်တွေမြို့ခံတွေက ဆိုကြပါတယ်။
အဲဒီစစ်တွေမြို့နယ်ကို အာရက္ခတပ်တော်က ထိုးစစ်ဆင်တိုက်ခိုက်တာတွေမပြုလုပ်သေးပေမယ့် နှစ်ဘက်စစ်ရေးတင်းမာနေကြပြီး စစ်ကော်မရှင်က ဒရု န်းတွေ၊လက်နက်ကြီးတွေ၊စစ်သင်္ဘောတွေ၊စစ်လေယာဥ်တွေက ပစ်ခတ်တာတွေမကြာခဏပြုလုပ်နေတယ်လို့ စစ်တွေမြို့ခံတွေက ဆိုကြပါတယ်။
