Border News Agency
စစ်ကိုင်း၊ ဒီဇင်ဘာ ၁၆။
စစ်ကိုင်းမြို့၊ ရွာထောင်မီးရထားရပ်ကွက်၊ ဈေးလမ်းမှာ ဒီဇင်ဘာလ ၆ ရက်၊ ဒီနေ့ ညနေ ၄ နာရီခွဲ အချိန်ခန့်က ငွေကျပ် ၁၅ ဘီလီ ယံကျော်တန်ဖိုးရှိ ဘိန်းဖြူ ၅၇ ကီလိုကျော်နဲ့ စိတ်ကြွရူးသွပ်ဆေးပြား ၅ သန်းကျော် ဖမ်းဆီးရမိခဲ့တယ်လို့ စစ်ကော်မရှင်က ထုတ်ပြန်ပါတယ်။
အဲဒီအပြင် စိုးလွင်၊ မခင်ဆွေမြင့် တို့နှစ်ဦးကို ဘိန်းဖြူ ၁၈ ဒသမ ၃၁၅ ကီလိုဖမ်းဆီးရမိခဲ့ပြီး HYUNDAI PORTER II ယာဉ်နဲ့ အတူ မိုးမင်းစံ၊ မျိုးသူရတို့နှစ်ဦးကိုလည်း ဘိန်းဖြူ ၂၅ ဒသမ ၇၄ ကီလိုနဲ့ စိတ်ကြွရူးသွပ်ဆေးပြား ၁၃ ဒသမ ၆၅ သိန်းတို့ကို ဖမ်းဆီးရမိခဲ့တယ်လို့ ဆိုပါတယ်။
နောက်ပြီး ချစ်ကိုကိုနိုင်၊ ခင်မောင်ဇော်တို့နှစ်ဦးကိုလည်း TOWNACE LIGHT TRUCK ယာဉ်နဲ့ အတူဘိန်းဖြူ ၁၃ ဒသမ ၈၆ ကီ
လို၊ စိတ်ကြွရူးသွပ်ဆေးပြား ၃၇ ဒသမ ၀၅ သိန်းတို့ကို ထပ်ပြီးဖမ်းဆီးရမိခဲ့တယ်လို့ ဆိုပါတယ်။
အဲဒီ ဖမ်းဆီးရမိတဲ့အထဲမှာ စုစုပေါင်းဘိန်းဖြူ ၅၇ ဒသမ ၉၁၅ ကီလို၊ စိတ်ကြွရူးသွပ်ဆေးပြား ၅ ဒသမ ၇ သန်းကို ဖမ်းဆီးရမိခဲ့ ပြီး စုစုပေါင်း ၁၅ ဒသမ ၅၇ ဘီလီယံတန်ဖိုးရှိ မူးယစ်ဆေးဝါးတွေကို ဖမ်းဆီးရမိခဲ့တယ်လို့ ဆိုပါတယ်။
အဲဒီ မူးယစ်ဆေးဝါးတွေဟာ ရှမ်းပြည်နယ်မှ စစ်ကိုင်းတိုင်းဒေသကြီးသို့ တဆင့်သယ်ဆောင်ပြီး မန္တလေးမြို့ကိုဆက်ပြီး သယ်
ဆောင်တဲ့ ပစ္စည်းဖြစ်တယ်လို့ ဆိုပါတယ်။
