အာရက္ခတပ်တော်(AA)ထိန်းချုပ်ထားတဲ့တောင်ကုတ်ခရိုင်နဲ့ သံတွဲခရိုင်တွေမှာ  သေဆုံးနိုင်ခြေ မြင့်မားတဲ့နီပါး(Nipah Virus )ဗိုင်းရပ်စ် အထူးသတိပြု လက်ကမ်းစာစောင်တွေကို အာရက္ခပြည်သူ့ကျန်းမာရေးဌာနမှ လိုက်လံဖြန့်ဝေပေးနေပါတယ်။ အာရက္ခပြည်သူ့ကျန်းမာရေးဌာနရဲ့ဝန်ထမ်းတွေနဲ့ ရက္ခိုင်အမျိုးသားအဖွဲ့ချုပ် ပါတီတာဝန်တွေစုပေါင်းပြီး (နီပါးဗိုင်းရပ်စ်) ရောဂါကို ကြိုတင်ကာကွယ်နိုင်ဖို့အတွက် အများပြည်သူလမ်းတွေ၊ ဈေး၊ ကားဂိတ်၊ ဘုတ်ဆိပ်၊ လမ်းခွဆုံနေရာတွေမှာ ဖြန့်ဝေပေးနေတာပါ။ အာရက္ခပြည်သူ့ကျန်းမာရေးဌာနမှ ပြည်သူတွေနေထိုင်တဲ့နေရာတွေမှာ အသိပညာပေး(ဗီနိုင်း) ဆိုင်းဘုတ်ထောင်တာတွေ၊ လက်ကမ်းစာစောင်တွေဖြန့်ဝေတာတွေ စတဲ့အသိပညာပေးလုပ်ငန်းတွေကို ဌာနဆိုင်ရာနဲ့ ပူးပေါင်းအောင်ရွက်ခဲ့တယ်လို့ ဆိုပါတယ်။ အဲဒီအပြင်ပြည်သူတွေအနေနဲ့ နီပါးဗိုင်းရပ်စ်ဖြစ်ပွားနေတာကြောင့် ပေါ့ပေါ့ဆဆမနေဖို့နဲ့ ရောဂါကူးစက်ပြန့်ပွားလာရင် အသက်အန္တာရာယ်ရှိနိုင်တဲ့အတွက်ကြောင့် နီပါးဗိုင်းရပ်စ်အန္တရာယ်ကို အထူးသတိပြုကြဖို့ ဌာနဆိုင်ရာဝန်ထမ်းတွေမှ လုပ်ဆောင်နေတာလို့ ဆိုပါတယ်။ အာရက္ခပြည်သူ့ကျန်းမာရေးဌာနအနေနဲ့လည်း အာရက္ခဒေသအတွင်းရှိ ပြည်သူတွေ နီပါးဗိုင်းရပ်စ် (Nipah Virus)နဲ့ ပတ်သက်ပြီး ကြိုတင်ကာကွယ်နိုင်ဖို့ အသိပညာပီးလုပ်ငန်းတွေကို ဌာနဆိုင်ရာတွေနဲ့ ပူးပေါင်းဆောင်ရွက်နေတယ်လို့ ဆိုပါတယ်။ အဲဒီနီပါး(Nipah)ဗိုင်းရပ်စ်ရောဂါအတွက် ကုသဆေးမရှိသေးတဲ့အတွက် ကြိုတင်ကာကွယ်တာဟာ အကောင်းဆုံးနည်းလမ်းဖြစ်ပြီး သေဆုံးနိုင်ခြေမြင့်မားတာကြောင့် အထူးသတိပြုကြဖို့ကိုလည်း အာရက္ခပြည်သူ့ကျန်းမာရေးဌာနမှ သတိပေးထားပါတယ်။ ရောဂါကူးစက်ခံရသူဟာ သေဆုံးနှုန်း ၄၀ အထက်ရှိပြီး ကူးစက်ခံရပြီးနောက် ရောဂါစပျိုးချိန်ဟာ ပုံမှန်အားနဲ့ ၄ ရက်မှ ၁၄ ရက်အထိဖြစ်ပြီး အကြာဆုံးအနေနဲ့ ၄၅ ရက်အထိရှိနိုင်တယ်လို့ သိရပါတယ်။ အာရက္ခပြည်သူတွေအနေနဲ့လည်း နီပါးဗိုင်းရပ်စ်(Nipah) သံသယဖြစ်ဖွယ် လက္ခဏာတွေဖြစ်ပေါ်ပါက အနီးအနားရှိကျန်းမာရေးဌာနကိုအမြန်ဆုံးဆက်သွယ်အကြောင်းကြားကြဖို့နဲ့ ကျန်းမာရေးဌာနမှထုတ်ပြန်ထားတဲ့ ညွှန်ကြားချက်တွေကို တိတိကျကျလိုက်နာကြဖို့ကိုလည်း အာရက္ခပြည်သူ့ကျန်းမာရေးဌာနက တိုက်တွန်းထားပါတယ်။

အာရက္ခတပ်တော်ထိန်းချုပ်ထားတဲ့ တောင်ကုတ်ခရိုင်အတွင်းက ကျေးရွာတွေမှာ အာရက္ခပြည်သူ့ကျန်းမာရေးဌာနနဲ့ လူသားချင်းစာနာထောက်ထားရေးနှင့် ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး (HDCO) တို့ ပူးပေါင်းပြီး ဖေဖော်ဝါရီလ ၈ ရက်နေ့က ကွင်းဆင်းကာအခမဲ့ဆေးကုသပေးတာနဲ့ ထောက်ပံ့မှုတွေ လုပ်ဆောင်ပေးခဲ့ပါတယ်။ ​အာရက္ခပြည်သူ့ကျန်းမာရေးဌာနက ဒေသခံတွေကို ငှက်ဖျားသွေးဖောက်စစ်ဆေးပေးတာ၊ကိုယ်ဝန်ဆောင်စောင့်ရှောက်မှုပေးတာအပြင် အရေပြားရောဂါနဲ့ အထွေထွေရောဂါတွေကို အခမဲ့ကုသပေးခဲ့တယ်လို့ ဒေသခံတွေဆီက သိရပါတယ်။ ​အဲဒီအပြင် ကိုယ်ဝန်ဆောင်မိခင်တွေနဲ့ ၅ နှစ်အောက် ကလေးငယ်ရှိတဲ့ အိမ်ထောင်စုတွေအတွက် CYC ခြင်ထောင် အလုံး ၂၅၀ ကိုထောက်ပံ့ပေးခဲ့တယ်လို့သိရပါတယ်။ နောက်ပြီး HDCO ဘက်ကလည်း ၂ နှစ်အောက် ကလေးငယ်တွေအတွက် အာဟာရနို့မှုန့်တွေ ပေးခဲ့ပါတယ်။  ​အခုလိုကွင်းဆင်းကုသပေးမှုဟာ ကျန်းမာရေးစောင့်ရှောက်မှု လက်လှမ်းမမီတဲ့ ဒေသခံပြည်သူတွေအတွက် အထောက်အကူဖြစ်စေခဲ့တယ်လို့ သိရပါတယ်။

Border News Agencyတောင်ကုတ်၊ ​ဇန်နဝါရီ ၁၇။ အာရက္ခတပ်တော်ထိန်းချုပ်ထားတဲ့ တောင်ကုတ်မြို့နယ်မှာ အမျိုးသားတဦးရေနစ်သေဆုံးနေတဲ့ ရုပ်အလောင်းကို ဇန်နဝါရီလ ၁၆ ရက်၊ ညနေပိုင်းမှာ တွေ့ခဲ့တယ်လို့ ဒေသခံတွေကဆိုကြပါတယ်။ အဲဒီ​တောင်ရွာက အသက်လေးဆယ်သုံးနှစ်အရွယ် ဦးကိုကိုမျိုးကို ရေနစ်သေဆုံးနေတာကို ဒေသခံတွေတွေ့ခဲ့ကြတာပါ။...

Border News Agencyစစ်တွေ၊ ဇန်နဝါရီ ၄။ စစ်ကော်မရှင်ရွေးကောက်ပွဲအပိုင်း ၁ မှာ ရခိုင်ကပြည်သူ့လွှတ်တော်မှာ ကြံ့ဖွံ့နှစ်နေရာ၊ ရခိုင်တိုင်းရင်းသားများပါတီတနေရာ အနိုင်ရတယ်လို့ ပြည်ထောင်စုရွေးကောက်ပွဲကော်မရှင်(UEC) က ဇန်နဝါရီလ ၄ ရက်၊ ဒီနေ့ထုတ်ပြန်ပါတယ်။ စစ်ကော်မရှင်ထိန်းချုပ်ထားတဲ့ ကျောက်ဖြူနဲ့စစ်တွေမှာ...

Border News Agencyတောင်ကုတ်၊ ဒီဇင်ဘာ ၂၆။ အာရက္ခတပ်တော်ထိန်းချုပ်ထားတဲ့ တောင်ကုတ်မြို့မှာ စစ်ကျန်လက်နက်ပေါက်ကွဲလို့ အမျိုးသားနှစ်ဦးဒဏ်ရာရသွားတယ်လို့ ဒေသခံတွေကဆိုကြပါတယ်။ အဲဒီစစ်ကျန်လက်နက်ကို ပန်းပဲဖိုအဖြစ် အသုံးပြုနေပြီး ဒီဇင်ဘာလ ၂၅ ရက်၊ နေ့လည် ၁၁ နာရီကျော်အချိန်ခန့်မှာ ပေါက်ကွဲမှုဖြစ်တာကြောင့်...

Border News Agencyမာန်အောင်၊ အောက်တိုဘာ ၁၅။ မာန်အောင်မြို့မှာ စစ်ကော်မရှင်တပ်က MPT ဖုန်းလိုင်းတွေပြန်ဖွင့်ပေးလိုက်ပေမယ့် နယ်ဘက်ကျွေးရွာတွေမှာ ဖုန်းလိုင်းတွေမရကြဘူးလို့ ဒေသခံတွေကဆိုကြပါတယ်။ အဲဒီမြို့ပေါ်ရပ်ကွက်တွေနဲ့မြို့အနီးနှစ်မိုင်ခန့်ဝန်ကျင်းထိသာဖုန်းလိုင်းတွေရနေပြီး နယ်ဘက်ကျေးရွာတွေမှာတော့ ဖုန်းလိုင်းတွေလုံးဝမရသေးဘူးလို့လည်းဆိုကြပါတယ်။ အဲဒီနယ်ကျွေးရွာတွေမှာ ဖုန်းလိုင်းတွေမရတာဟာ စစ်ကော်မရှင်တပ်က လာမယ့်ရွေးကောက်ပွဲပြုလုပ်ကျင်းပဖို့အတွက်လိုအပ်တဲ့ဧရိယာခန့်ကိုသာ လိုင်းပြန်ဖွင့်ထားတာကြောင်းဖြစ်တယ်လို့...

Border News Agencyမာန်အောင်၊ အောက်တိုဘာ ၇။ စစ်ကော်မရှင်တပ်ထိန်းချုပ်ထားတဲ့ မာန်အောင်မြို့နယ်မှာ ဆက်သွယ်ရေးဖုန်းလိုင်းတွေတပ်ဆင်ဖို့အတွက် ပြင်ဆင်နေတယ်လို့ စစ်ကော်မရှင်ကဆိုပါတယ်။ အဲဒီမာန်အောင်မြို့ကို စက်တင်ဘာလကုန်ပိုင်းမှာ စစ်ကော်မရှင်သွားရောက်ခဲ့ပြီး လမ်းတံတားတွေ၊ ဆက်သွယ်ရေးအခြေအနေတွေကို စစ်ဆေးကြည့်ခဲ့တယ်လို့ အောက်တိုဘာလ ၇ရက်၊ ဒီနေ့ ထုတ်ပြန်ပါတယ်။...