Border News Agency
နေပြည်တော်၊ ဇန်နဝါရီ ၁၂။
မြန်မာတနိုင်ငံလုံးမှာ ၂၀၂၅ ခုနှစ်အတွင်း မူးယစ်ဆေးဝါးစုစုပေါင်းကာလတန်ဖိုးငွေကျပ် တထောင့်ခုနှစ်ရာခြောက်ဆယ်တဘီလီယံကျော် ဖမ်းဆီးရမိခဲ့တယ်လို့ စစ်ကော်မရှင်တပ်က ဇန်နဝါရီလ ၁၁ ရက်၊ မနေ့ကထုတ်ပြန်ပါတယ်။
အဲဒီတနှစ်အတွင်း အမှုပေါင်းငါးထောင်သုံးရာခုနှစ်ဆယ်မှုကနေ တရားခံခုနှစ်ထောင့်ငါးရာခြောက်ဆယ်နှစ်ဦးထိ ဖမ်းဆီးခဲ့တယ်လို့ဆိုပါတယ်။
အဲဒီထဲ စိတ်ကြွဆေးပြားသုံးရာ့ခုနှစ်ဆယ်ခုနှစ်သန်းကျော်နဲ့ အိုက်စ်သုံးဆယ်ခုနှစ်တန်ကျော် အပါအဝင်မူးယစ်ဆေးဝါးအမြောက်အမြားသိမ်းဆည်းနိုင်ခဲ့တယ်လို့ဆိုပါတယ်။
အဲဒီမူးယစ်ဆေးဝါးတွေနဲ့အတူ လက်နက်မျိုးစုံလေးဆယ်လေးလက်၊ ကျည်ဆန်နှစ်ထောင့်ခုနှစ်ရာကျော်နဲ့ ဒီတိုနေတာတသိန်းရှစ်သောင်းကျော်ကိုလည်း ဆက်စပ်ဖမ်းဆီးရမိခဲ့ပါတယ်လို့ဆိုပါတယ်။
ရှမ်းပြည်နယ်အတွင်းမိုင်းရယ်နဲ့ တာချီလိတ်မြို့နယ်တွေမှာ ထုတ်လုပ်ရေးစခန်းသုံးခုနဲ့ ဆေးပြားရိုက်စက်တွေကိုပါ အမြစ်ပြတ်ဖြိုခွင်းနိုင်ခဲ့တယ်လို့ ဆိုပါတယ်။
အဲဒီဘိန်းစိုက်ပျိုးမှုတိုက်ဖျက်ရေးအနေနဲ့ ရှမ်းပြည်နယ်အတွင်းက ဘိန်းစိုက်ခင်းဧကငါးထောင်ကျော်ကိုဖျက်ဆီးခဲ့ပြီး ကျန်ရှိတဲ့စိုက်ခင်းတွေကိုလည်း ဆက်ပြီးရှင်းလင်းနေတယ်လို့ စစ်ကော်မရှင်ကဆိုပါတယ်။
