မောင်တောနယ်မြေခံစစ်ဆင်ရေးကွပ်ကဲရေးဌာနချုပ်ကို အာရက္ခတပ်တော်ထိုးစစ်ဆင်နေ
Border News Agency
မောင်တော၊အောက်တိုဘာ ၁။
မောင်တောနယ်မြေခံစစ်ဆင်ရေးကွပ်ကဲရေးဌာနချုပ်ဖြစ်တဲ့ အမှတ် ၅ နယ် ခြားစောင့်ရဲတပ်ရင်းကို အာရက္ခတပ်တော်(AA)က ထိုးစစ်ဆင်တိုက်ခိုက်နေပြီး စစ်ကောင်စီတပ်က လေကြောင်းပစ်ခတ်မှုတွေ အပြင်းထန်းဆုံးပြုလုပ်ခုခံနေတယ်လို့ မောင်တောဒေသခံတွေက ဆိုကြပါတယ်။
အဲဒီမောင်တောမြို့အဝင်၊မြို့သူကြီးကျေးရွာဟောင်းမှာတည်ရှိတဲ့ နယ်မြေခံစစ်ဆင်ရေးကွပ်ကွဲရေးဌာနချုပ်ဟာ စစ်ကောင်စီတပ်အတွက်မောင်တောခရိုင်မှာ နောက်ဆုံးလက်ကျန်နေရာဖြစ်ပြီး အဲဒီနေရာဟာ အမှတ် ၁၅ စစ်ဆင်ရေးကွပ် ကဲမှုဌာနချုပ်ဖြစ်သလို မောင်တောခရိုင်မှာအခိုင်မာဆုံး၊အင်အားအများဆုံး မဆုတ်တမ်းခံတပ်လည်းဖြစ်တယ်လို့ စစ်ကောင်စီတပ်အသိုင်းအဝိုင်းက ဆိုကြပါတယ်။
အဲဒီအမှတ် ၅ နယ်ခြားစောင့်ရဲတပ်ရင်းကို အပြီးသတ်သိမ်းပိုက်ရယူရေးအတွက် ထိုးစစ်တွေကို ဆက်လက်အရှိ န်မြှင့်သွားမယ်လို့ အာရက္ခတပ်တော်(AA)မှ စက်တင်ဘာလ ၂ ၇ ရက်နေ့က ထုတ်ပြန်ထားပါတယ်။
အဲဒီနောက် စစ်ကောင်စီတပ်က မောင်တောမြို့ပေါ်နေရာတွေအပါအဝင် မြို့သူ ကြီးတပ်ရင်းအနီးအနားနေရာတွေကို လေကြောင်းတိုက်ခိုက်မှုတွေအပြင်ထန်းဆုံးပြုလုပ်နေသလို လေကြောင်းအသုံးပြုပြီး လက်နက်စားနပ်ရိက္ခါ ဖြည့်တင်းပေးတာတွေလည်းပြုလုပ်ပေးနေတယ်လို့ မောင်တောဒေသခံတွေက ဆိုကြပါတယ်။
အဲဒီမောင်တောနယ်မြေခံစစ်ဆင်ရေးကွပ်ကဲရေးဌာနချုပ်ကို အာရက္ခတပ်တော် (AA)ကလည်း လက်နက်ကြီးတွေ အသုံးပြုထိုးစစ်ဆင်တိုက်ခိုက်နေတာမို့ တိုက်ပွဲတွေပြင်းထန်နေပြီး စစ်ကောင်စီတပ်က လေကြောင်းတိုက်ခိုက်မှုတွေ အပြင်းထန်းဆုံးပြုလုပ်နေလို့ နေအိမ်အဆောက်အအုံတွေ မီးလောင်ပျက်စီးနေတယ်လို့ မောင်တောဒေ သခံတွေက ဆိုကြပါတယ်။
”ညတုန်းကလည်း ပစ်ခတ်သံတွေကြားနေရပါတယ်။တပ်တော်က လက်နက် ကြီးတွေသုံးပြီးတိုက်ခိုက်နေပါတယ်။ဗမာစစ်တပ်ကတော့ လေယာဥ်နဲ့နေ့တိုင်းလာပစ်နေပါတယ်။မြို့ထဲမှာမီးလောင်းတာတွေကိုတော့ လှမ်းမြင်ရပါ တယ်။လေယာဥ်ကချတာ တခါတခါဆိုရင်မြေတွေတောင်တုန်သွားပါတယ်။”လို့ မောင်တောဒေသခံအမျိုးသမီးတစ်ဦးက Border News Agency သို့ပြောပါတယ်။
အဲဒီတပ်ရင်းမှာ တ္ထီလာမြို့အခြေစိုက်အမှတ် ၁ တပ်မတော်ဆေးရုံနေ အဘဦးထွန်းကြည်ရဲ့သား၊အသက် ၅၃ နှစ် အရွယ်နယ်မြေခံစစ်ဆင်ရေးကွပ်ကဲရေးမှူးဗိုလ်မှူးချုပ်သူရိန်ထွန်းကဦးဆောင်ကွပ်ကွဲခုခံနေတာဖြစ်ပြီး ကရင်ပြည်၊ဘားအံမြို့အခြေစိုက်၊အမှတ် ၂၂ ခြေ မြန်တပ်မဌာနချုပ်မှတပ်ဖွဲ့ဝင်တွေ၊ဘူးသီးတော င်မြို့အခြေစိုက် အမှတ် ၂၅၃ ခြေလျပ်တပ်ရင်းမှတပ်ဖွဲ့ဝင်တွေ၊နယ်ခြားစောင့်တပ်ဖွဲ့ဝင်တွေ၊စစ်သင်တန်းဆင်း မွတ်ဆလင်လက်နက်ကိုင်အင်းအား စုစုပေါင်းတစ်ထောင်ခန့်နဲ့ခုခံနေကြတာဖြစ်ပါတယ်။
အဲဒီနယ်မြေခံစစ်ဆင်ရေးကွပ်ကဲရေးဌာနချုပ်ကို ခြံစည်ရိုးသုံးထပ်ထိအခိုင်အ မာကာရံထားပြီး ခြံစည်ရိုးအပြင်ဖက်မိတာသုံးရာပတ်ပတ်လည်းကိုမြေမြုပ်မိုင်းတွေ အပြည့်ထောင်ထားသလို ခြံစည်ရိုးတွေကြားမှာ ငါးပေကျာ်တူးမြော င်းပစ်ကျင်းတွေကို ကျောက်သားအမာတွေနဲ့အခိုင်အမာတည်ဆောက်ထားတဲ့ မဆုတ်တမ်းခံစစ်ဌာနချုပ်လည်းဖြစ်ပါတယ်။
အဲဒီအပြင် အဲဒီဌာနချုပ်ပတ်ပတ်လည်မှာ မောင်တောခရိုင်တရားရုံး၊မြို့အဝင်တံတားစစ်ဆေးရေးဂိတ်၊မြို့မက ညင်တန်းဝန်ထမ်းအိပ်ရာလို အခိုင်အမာကာကင်းတွေဘအများအပြားတည်ရှိနေသလို တပ်ရင်းဝင်ပေါက် အနောက်ဘက်၊တပ်ရင်းအဆောက်အအုံဟောင်းမှာ သေချာအမိန့်ပေးကွပ်ကွဲနိုင်တဲ့မြေအောက်ခန်းရှိပြီး နယ်မြေခံစစ်ဆင်ရေးကွပ်ကဲရေးမှူးဗိုလ်မှူးချုပ်သူရိန်ထွန်းဟာ အဲဒီနေ ရာမှအမိန့်ပေးကွပ်ကွဲနေတာဖြစ်ပါတယ်။
အဲဒီလိုအခိုင်အမာတည်ဆောက်ထားပြီး အင်အားအများအပြားနဲ့မဆုတ်တမ်းခုံခံနေကြသလို လေကြောင်းပစ်ကူတွေကို အပြင်းထန်ဆုံးပြုလုပ်ပေးနေပြီး ဘာမှအကာအကွယ်မရှိတဲ့လယ်ကွင်းပြင်ကြီးမို့ အာရက္ခတပ်တော် (AA)က အနီး ကပ်ထိုးစစ်ဆင်တိုက်ခိုက်ဖို့ခက်ခဲနေသလို တပ်ရင်းထဲသို့ဝင်ရောက်သိမ်းပိုက်ဖို့ခက်ခဲနေတာမို့ တိုက်ပွဲတွေပြင်း ထန်နေကာအချိန်ပိုကြာနေတာလို့ မောင်တောဒေသခံတွေက ဆိုကြပါတယ်။
”မြို့အဝင်အထွက်ကားလမ်းကလွှဲပြီးတပ်ရင်းထဲသို့ ဘယ်ဖက်ကမှဝင်လို့မရနိုင်ပါဘူး။ခြံစည်ရိုးနားကပ်ဖို့တောင် မိုင်းတွေရာနဲ့ချီပြီးဖော်ရပါမယ်။မိုင်းတွေရှင်းပြီးရင်တောင်ခြံစည်းရိုးကိုဖောက်ပြီးဝင်ဖို့မလွယ်ပါဘူး။ပစ်ကျင်းတူးမြောင်းတွေကလူထက်မြင့်ပါတယ်။ဒရုန်းဗုံးချလို့ဘာမှမဖြစ်အောင် ကျောက်တွေနဲ့အခိုင်အမာတည်ဆောက်ထားတာပါ။သူရိန်ထွန်းကမြေအောက်ခန်းမှာနေတာပါ။သူကဘာမှစိုးရိမ်းမှာမဟုတ်ဘူး။လက်နက်၊ရိက္ခါမကုန်ရင်လက်နက်ချကြမှာမဟုတ်ပါဘူး။”လို့ အဲဒီတပ်ရင်းမှနယ်ခြားစောင့်တပ်ဖွဲ့ဝင်ဟောင်းဖြစ်တဲ့ မောင်တောဒေသခံ တစ်ဦးက Border News Agency သို့ ပြောပါတယ်။
အဲဒီ အမှတ် ၅ နယ်ခြားစောင့်ရဲတပ်ဖွဲ့ခွဲကိုမီးရှို့ဖျက်ဆီးခံလိုက်ရတဲ့မြို့သူကြီးမွတ်ဆလင်ကျေးရွာဟောင်းနေရာ၊မောင်တော -ဘူးသီးတောင်ကားလမ်းဘေး၊မောင်တောမြို့အဝင်တံတားနဲ့မိတာနှစ်ရာခန့်အကွာမှာ ၂၀၁၇ဖြစ်စဥ် နောက်ပို င်း၊မြေဧကအများအပြားပေါ်မှာ ရဟတ်ယာဥ်ကွင်းတွေအပါအဝင်အခိုင်မာဆုံးတည်ဆောက်ထားတာ ဖြစ်ပါတယ်။
အဲဒီနယ်မြေခံစစ်ဆင်ရေးကွပ်ကဲရေးဌာနချုပ် မောင်တော၊ဘူးသီးတောင်၊ရသေ့တောင် မြိုနယ်တွေရှိ နယ်ခြားစောင့်စခန်း၊တပ်ရင်းအားလုံးကိုချုပ်ကိုင်အမိန့်ပေးစေခိုင်းနေခဲ့တဲ့နေရာဖြစ်သလို ဘူးသီးတောင်အခြေစိုက်၊အမှတ် ၁၅ စစ်ဆင်ရေးကွပ်ကဲမှုဌာနချုပ်၊မောင်တောမြို့နယ်၊ကျီးကန်းပြင်ကျေးရွာအခြေ စိုက်၊အမှတ် ၁ နယ်ခြားစောင့်ကွပ်ကဲမှုဌာနချုပ်တွေထက် အင်အားပိုများပြီး ပိုမိုအရေးပါအဓိကကျတဲ့နေရာဖြစ်တယ်လို့ စစ်ကောင်စီတပ်အသိုင်းအဝိုင်းက ဆိုကြပါတယ်။
အဲဒါကြောင့် ဘူးသီးတောင်အခြေစိုက်၊အမှတ် ၁၅ စစ်ဆင်ရေးကွပ်ကဲမှုဌာန ချုပ်မှ စစ်ကောင်စီလက်နက်ကိုင်အင်းအားရာနဲ့ချီအလံဖြူထောင်လက်နက်ချအညံ့ခံခဲ့ကြသလိုမောင်တောမြို့နယ်၊ကျီးကန်းပြင်ကျေးရွာအခြေစိုက်၊အမှတ် ၁ နယ်ခြားစောင့်ကွပ်ကဲမှုဌာနချုပ်ကိုလည်း အာရက္ခတပ်တော်(AA)က တိုက် ခိုက်သိမ်းပိုက်နိုင်ခဲ့ပေမယ့် နယ်မြေခံစစ်ဆင်ရေးကွပ်ကဲရေးဌာနချုပ်ဖြစ်တဲ့ မြို့သူကြီးတပ်ရင်းကို အာရက္ခတပ်တော်(AA)က ခက်ခက်ခဲခဲထိုးစစ်ဆင်တိုက်ခိုက်နေရတာလို့ ဆိုကြပါတယ်။
အဲဒီအမှတ် ၅ နယ်ခြားစောင့်ရဲတပ်ရင်းထဲမှာ စစ်ကောင်စီတပ်ဖွဲ့ဝင်တွေ၊အာရကန်ရိုဟင်ဂျာကယ်တင်ရေးတပ်မတော်(ARSA)၊ရိုဟင်ဂျာစည်းလုံးညီညွတ် ရေးအဖွဲ့(RSO)၊အာရကန်ရိုဟင်ဂျာတပ်မတော်(ARA)၊စစ်သင်တန်းဆင်းမွတ်ဆလင်လက်နက်ကိုင်အကြမ်းဖက်သမားတွေ ပူးပေါင်းခုခံနေကြသလို စစ်ကောင်စီတပ်ကမတရားဖမ်းဆီးထားတဲ့ပြည်သူတွေလည်းရှိနေကြတယ်လို့ မောင်တောဒေသခံတွေက ဆိုကြပါတယ်။
(ဓာတ်ပုံ-မောင်တောမြို့အဝင်၊မြို့သူကြီးအခြေစိုက်၊အမှတ် ၅ နယ်ခြားစောင့်ရဲတပ်ရင်/BNA)
All reactions:
Khaing Hsan Aung, Krahla Aung and 374 others
