မောင်တောခရိုင်က ပြည်သူတွေ လူ့အခွင့်အရေးချိုးဖောက်ခံနေကြရ
Border News Agency
မောင်တော၊နိုဝင်ဘာ ၅။
အာရက္ခတပ်တော်(AA)က သိမ်းပိုက်ထိန်းချုပ်ထားထားပြီး အာရက္ခပြည်သူ့တော်လှန်ရေးအစိုးရအနေနဲ့အုပ်ချုပ်ရေးယန္တရားတွေ ဖော်ဆောင်နေတဲ့မောင်တောခရိုင်မှာ အရပ်သားပြည်သူအားလုံး လူ့အခွင့်အရေးချိုးဖောက်ခံနေကြရတယ်လို့ မောင်တောခရိုင်နေပြည်သူတွေက အတည်ပြုပြောကြပါတယ်။
အဲဒီမောင်တောခရိုင်နေ အရပ်သားပြည်သူအားလုံးဟာ လွတ်လပ်စွာသွားလာခွင့်တွေကို တားဆီးကန့်သတ်ပိတ်ဆို့ခံထားကြရသလို အာရက္ခတပ်တော်စစ် ဆေးရေးဂိတ်အားလုံးမှာ ဆိုင်ကယ်တွေ ဆင်းတိုးသွားလာစစ်ဆေးခံနေကြရပြီး ကျေးရွာအပြင်သို့ထွက်ခွာသွားလာခွင့်ရဖို့အတွက် အာရက္ခပြည်သူ့တော် လှန်ရေးအစိုးရရဲ့ ကျေးရွာ တာ ဝန်ခံတွေ၊နယ်မြေမှူးတွေဆီက ခွင့်ပြုချက်စာ ရွက်တွေယူနေကြရတယ်လို့ မောင်တောခရိုင်နေ ပြည်သူတွေက ဆိုကြပါတယ်။
အဲဒီလိုရွာထွက်လက်မှတ်ခွင့်ပြုချက်ယူရတာဟာ မောင်တော၊ဘူးသီးတောင်စတဲ့မောင်တောခရိုင်မှာသာ အာရက္ခပြည်သူ့တော်လှန်ရေးအစိုးရက တားမြစ်ကန့်သတ်ထားတာဖြစ်သလို အာရက္ခတပ်တော်စစ်ဆေးရေးဂိတ်အားလုံးမှာ ဆိုင်ကယ်တွေကို ဆင်းတိုးသွားလာစစ်ဆေးခံနေကြရတာဟာ မောင်တောခရိုင်မှာသာရှိတယ်လို့ အာရက္ခပြည်သူတွေက ဆိုကြပါတယ်။
မောင်တောခရိုင်နေအရပ်သားပြည်သူတွေ လူ့အခွင့်အရေးတွေချိုးဖောက်ခံနေကြရတာဟာ စစ်ထောက်လှမ်းရေးတွေခေတ်ထက် ပိုမိုဆိုးဝါးနေပြီး စစ်ကောင် စီလက်ထက် နယ်ခြားစောင့်ဂိတ်အားလုံးမှာတောင် ဆိုင်ကယ်တွေကို ဆင်းတိုးသွားလာစစ်ဆေးခံစရာမလိုခဲ့ဘူးလို့ မောင်တောဒေသခံတွေက ထောက်ပြကြပါတယ်။
”ရွာပြင်ထွက်မယ်ဆိုရင်တောင်ရွာထွက်လက်မှတ်ယူရပါတယ်။အေအေဂိတ်အားလုံးမှာ ဆိုင်ကယ်တွေကို ဆင်း တိုးပြီး သွားရပါတယ်။စစ်ထောက်လှမ်း ရေးခေတ်ထက်ပိုဆိုးနေပါတယ်။နယ်ခြားစောင့်တွေတုန်းကတောင်ဂိတ် အား လုံးမှာစစ်ဆေးခံစရာမလိုပါဘူး။ဒါကလူ့ဂုဏ်သိက္ခါကိုညှိုနွမ်းစေပါတယ်။လူ့အခွင့်အရေးချိုးဖောက်ခံနေ ရတာပါပဲ။”လို့ မောင်တောဒေသခံတစ်ဦးက Bord er News Agency သို့ ပြောပါတယ်။
အဲဒီမောင်တောခရိုင်က အရပ်သားပြည်သူတွေဟာ ရွာထွက်လက်မှတ်တွေ၊ စ စ်ဆေးရေးဂိတ်တွေ၊ဆိုင်ကယ် ဆင်းတိုးသွားလာရတာတွေရှိနေပေမယ့် ကျော က်ပန္ဒူ-အငူမော်ကားလမ်း၊ကျောက်ပန္ဒူ-စေတီပြင်ကားလမ်းမှာ အဲဒီလိုမဟု တ်ဘူးလို့ ကိုယ်တိုင်သွားလာနေကြနဲ့အာရက္ခပြည်သူတွေကို အတည်ပြုပြောကြပါတယ်။
အာရက္ခဒေသထဲမှာတောင် နယ်မြေခွဲခြားပြီးအရပ်သားပြည်သူလူထုအပေါ် အာရက္ခပြည်သူ့တော်လှန်ရေးအစိုးရက ခွဲခြားဆက်ဆံပြုမူနေတာတွေ၊လူ့အခွင့်အရေးချိုးဖောက်နေတာတွေဟာ အာရက္ခပြည်သူ့တော်လှန်ရေးအစိုးရကို အရပ်သာပြည်သူလူထုကယုံကြည်ထောက်ခံမှုတွေကျဆင်းလာစေသလို နိုင်ငံ တကာအသိုင်းအဝိုင်းက လူ့အခွင့်အရေးချိုးဖောက်နေမှုတွေအဖြစ် မှတ်တမ်းတင်ထောက်ပြစရာဖြစ်နေတယ်လို လူ့အခွင့်အရေးလှုပ်ရှားသူတွေက ဆိုကြပါတယ်။
မောင်တောခရိုင်နဲ့နယ်မြေတဆက်တည်းရှိနေတဲ့ ရသေ့တောင်မြို့နယ်၊စေတီပြ င်ကျေးရွာအပါအဝင် ရသေ့တောင်မြို့နယ်မှအရပ်သားပြည်သူတွေဟာမောင်တောမြို့နယ်၊အင်းဒင်၊ကျောက်ပန္ဒူ၊သရီကုန်ဘောင်၊ကိုင်းကြီးစတဲ့ကျေးရွာတွေဆီလာရင် ရွာထွက်လက်မှတ်မလိုသလို ကျောက်ပန္ဒူ-စေတီပြင်လမ်းရှိ အာရက္ခတပ်တော်စစ်ဆေး ရေးဂိတ်တွေမှာလည်း ဆိုင်ကယ်ဆင်းတိုးသွားလာစစ် ဆေးခံစရာမလိုကြဘူးလို့ ကိုယ်တိုင်သွားလာနေကြသူတွေက ဆိုကြပါတယ်။
အဲဒီမောင်တောခရိုင်က အရပ်သားပြ ည်သူတွေလူ့အခွင့်အရေးချိုးဖောက်ခံနေကြရတဲ့အထဲမှာ အရပ်သားပြည်သူဆင်းရဲသားမွတ်ဆလင်တွေ ပိုမိုဆိုးဝါးစွာကြုံတွေ့ခံစားနေကြရပြီး အသက်ရှင်ရပ်တည်ရေးတွေ ခက်ခဲအောင်ထိ ခံစားကြုံတွေ့နေကြရတယ်လို့ မောင်တောခရိုင်နေပြည်သူတွေက ဆိုကြပါတယ်။
”ထွက်ပြေးလာတုန်းကဘာမှမယူလာခဲ့ရပါဘူး။အိမ်ပြန်ပြီးအဝတ်အစားတွေသွားယူခွင့်တောင်းပေမယ့်မရပါဘူး။ပိုက်ဆံချမ်းသာတဲ့သူတွေဆိုရင် စစ် ကြောင်းမှူးတွေကိုယ်တိုင်ခေါ်သွားပေးပါတယ်။ကျနော်တို့လို့စားစရာမရှိ သူတွေဆိုရင် ရွာပြင်ထွက်ငါးရှာခွင့်တောင်မရပါဘူး။”လို့ မောင်တောမြို့ နယ်မှစစ်ဘေးရှောင်မွတ်ဆလင်တစ်ဦးက Border News Agency သို့ ပြောပါတယ်။
အဲဒီမောင်တောခရိုင်ကို အပြီးသတ်ထိ န်းချုပ်ထားဖို့ မောင်တောမြို့အဝင်၊မြို့ သူကြီးကျေးရွာဟောင်းရှိအမှတ် ၅ နယ်ခြားစောင့်ရဲတပ်ရင်းကို အာရက္ခတပ်တော်က ထိုးစစ်ဆင်တိုက်ခိုက်နေပြီး မောင်တော၊ဘူးသီးတောင်အပါအဝင် မောင်တောခရိုင်တခုလုံးနီးပါးကို အာရက္ခတပ်တော်က သိမ်းပိုက်ထိန်းချုပ်ထားပြီဖြစ်ပါတယ်။
အဲဒီမောင်တောခရိုင်မှာ ရခိုင်လူမျိုးတွေအပါအဝင် မြို၊ခမီ၊သက်၊ဒိုက်နက်၊မာရာမာကြီး၊ဟိန္ဒူ၊မွတ်ဆလင်စတဲ့လူမျိုးပေါင်းစုံနေထိုင်နေကြပြီး အရပ်သားပြ ည်သူအားလုံးဟာ အာရက္ခပြည်သူ့တော်လှန်ရေးအစိုးရထိန်းချုပ်မှုအောက်မှာလို့ မောင်တောဒေသခံတွေက ဆိုကြပါတယ်။
အဲဒီမောင်တောခရိုင်က တိက်ပွဲတွေမှာ အာရက္ခတပ်တော်က စစ်ရာဇဝတ်မှုတွေ၊လူ့အခွင့်အရေးချိုးဖောက်မှုတွေကို ကျူးလွန်ထားတယ်လို့ လူ့အခွင့်အ ရေးလှုပ်ရှားသူတွေကစွပ်စွဲပြောဆိုထားကြပြီး မောင်တောခရိုင်သို့ နိုင်ငံတကာအသိုင်းအဝိုင်းက ဝင်ရောက်စစ်ဆေးဖို့လည်း နိုင်ငံတကာလူအခွင့်အရေးအဖွဲ့တချို့ က တောင်းဆိုထားကြပါတယ်။
အဲဒီမောင်တောခရိုင်မြောက်ဘက်ခြမ်းကို အာရက္ခတပ်တော်ရဲ့တပ်မဟာ ၂ က လုံခြုံရေးယူထိန်းချုပ်ထားပြီး ဘူးသီးတောင်မြို့အပါအဝင်မောင်တောမြို့နယ်တောင်ဘက်ခြမ်းကိုတော့ အာရက္ခတပ်တော်ရဲ့ အာဖာ ၂ စစ်ဒေသက လုံခြုံ ရေးယူထိန်းချုပ်ထားတယ်လို့ အာရက္ခတပ်တော်တပ်ဖွဲ့ဝင်တွေက အတည်ပြုပြောကြပါတယ်။
Photo-AA
