Border News Agency
ဝါရှင်တန်၊ ဧပြီ ၁၀။
ဖေဖော်ဝါရီ ၂၈ ရက်က စတင်ခဲ့တဲ့ အီရန်နိုင်ငံအတွင်းရှိ လုံခြုံရေးယန္တရားတွေကို ဖြိုခွင်းတဲ့ Operation Epic Fury စစ်ဆင်ရေးဟာ သတ်မှတ်ထားတဲ့ ရည်မှန်းချက်တွေ အောင်မြင်သွားပြီလို့ အမေရိကန်စစ်ဌာနချုပ်က ဧပြိီလ ၉ ရက်နေ့ကထုတ်ပြန်ခဲ့ပါတယ်။
၃၈ ရက်ကြာ စစ်ဆင်ရေးအတွင်း အမေရိကန်ပူးပေါင်းစစ်သည်တွေဟာ အီရန်နိုင်ငံအတွင်းရှိ ပစ်မှတ်ပေါင်း ၁၃,၀၀၀ ကျော်ကိုဗုံးကြဲတိုက်ခိုက်ခဲ့သလို အီရန်ရဲ့ လေကြောင်းရန်ကာကွယ်ရေးစနစ် ၈၀ ရာခိုင်နှုန်းခန့်ကိုလည်း ဖျက်ဆီးနိုင်ခဲ့တယ်ဟု ဆိုပါတယ်။
အဲဒီစစ်ဆင်ရေးကာလအတွင်း အီရန်ရဲ့ ရေတပ်နဲ့ လေတပ်ကို သိသိသာသာ ချေမှုန်းနိုင်ခဲ့သလို ဒုံးကျည်နဲ့ ဒရုန်းတွေ ထုတ်လုပ်တဲ့ စက်ရုံတွေအပါအဝင် ကာကွယ်ရေးစက်မှုအခြေစိုက်စခန်းတွေကိုလည်း ဖျက်ဆီးနိုင်ခဲ့တယ်လို့လည်းဆိုပါတယ်။
လက်ရှိမှာ အမေရိကန်နဲ့ အီရန်တို့အကြား နှစ်ပတ်ကြာ အပစ်အခတ်ရပ်စဲရေးကို စတင်လိုက်ပြီဖြစ်ပေမယ့် အမေရိကန်တပ်ဖွဲ့ဝင်တွေအနေနဲ့ ဒေသတွင်း တည်ငြိမ်ရေးအတွက် ဆက်လက်ရှိနေမှာဖြစ်ပြီး ဘယ်လိုခြိမ်းခြောက်မှုကိုမဆို တုံ့ပြန်ဖို့ အသင့်အနေအထားမှာ ရှိနေတယ်လို့ ဆိုပါတယ်။
အဲဒီစစ်ဆင်ရေးဟာ အစ္စရေးနဲ့ ပူးပေါင်းပြီး စနစ်တကျ လုပ်ဆောင်ခဲ့တာဖြစ်ပြီး အီရန်ဘက်က ဒေသတွင်းကို နောက်ထပ် ခြိမ်းခြောက်မှုတွေ မလုပ်နိုင်အောင် တားဆီးနိုင်ခဲ့တယ် စစ်ဌာနချုပ်က ဆိုပါတယ်။
