Border News Agency
ပုဏ္ဏားကျွန်း၊စက်တင်ဘာ ၅။
အာရက္ခတပ်တော်(AA)ထိန်းချုပ်ထားတဲ့ပုဏ္ဏားကျွန်းမြို့နယ်ကို အာဏာသိမ်းစစ်တပ်ခြေကုပ်ယူပြန်သိမ်းဖို့ကြိုးစားနေတယ်လို့ မြေပြင်စစ်ရေးသတင်းရင်းမြစ်တွေက အတည်ပြုပြောကြပါတယ်။
အဲဒီပုဏ္ဏားကျွန်းမြို့နယ်အစပ်နေရာတွေကို အာဏာသိမ်းစစ်တပ်က ကြည်း၊ရေ၊လေပူးပေါင်းပစ်ခတ်လမ်းရှင်းပြီး ကမ်းတက်ခြေကုပ်ယူပြန်သိမ်းဖို့ကြိုးစားနေတာလို့ ဆိုကြပါတယ်။
“စစ်တပ်ကကြည်းရေလေသုံးပြီးအပြ င်းအထန်ပစ်ခတ်နေပါတယ်။ပြီးရင် မင်းချောင်းတံတားကဆင်းပြီးပုဏ္ဏားကျွန်းမှာခြေကုပ်ယူဖို့ကြိုးစားနေတာပါ။ရှေ့တိုးဖို့ကြိုးစားနေပေမယ့်မင်းချောင်းတံတားအောက်မှာပါ။”လို့ မြေပြင်စစ်ရေးသတင်းရင်းမြစ်တဦးက BorderNews Agency ကို ပြောပါတယ်။
အဲဒီပုဏ္ဏားကျွန်း-စစ်တွေ-ရသေ့တောင် သုံးမြို့အစပ်ကြားရှိ ကျေးရွာတွေကို စက်တင်ဘာလ ၃ ရက်နေ့၊နေ့လယ် ၁ နာ ရီ ၃၅ မိနစ်ခန့်မှစတင်ပြီးအာဏာသိမ်းစစ်တပ်တိုက်လေယာဉ်လေးစီးဟာ မိနစ်သုံးဆယ်အတွင်းအကြိမ်သုံးဆယ်ခန့်ဗုံးကြဲတိုက်ခိုက်ခဲ့တယ်လို့ အာရက္ခတပ်တော်ထုတ်ပြန်ပါတယ်။
အဲဒီပုဏ္ဏားကျွန်းမြို့နယ်၊ကွမ်းတောင်၊ကုန်းတန်းကြိမ်ချောင်း၊မက္ကလာကျညိုရောင်၊မင်းလှစတဲ့ကျေးရွာကြားကို အာဏာသိမ်းစစ်တပ်ကလေကြောင်းတိုက် ခိုက်ခဲ့သလို ရသေ့တောင်မြို့နယ်၊မိုးစဲကမ်းရှိ ကြက်ရိုးဆိပ်ရွာနဲ့ညောင်ပင်ကြီးရွာကြားကိုလည်း လေကြောင်းတိုက်ခိုက်ခဲ့တယ်လို့ အာရက္ခတပ်တော်ထုတ်ပြန်ပါတယ်။
အဲဒီပုဏ္ဏားကျွန်း-စစ်တွေ-ရသေ့တောင်စတဲ့မြို့နယ်တွေကို စက်တင်ဘာလ ၄ ရက်နေ့၊မနက် ၁၀ နာရီအချိန်က အာဏာသိမ်းစစ်တပ်ကလက်နက်ကြီးတွေ
ပစ်ခတ်တိုက်ခိုက်ခဲ့တယ်လို့ အာရက္ခတပ်တော်ထုတ်ပြန်ပါတယ်။
အဲဒါဟာ အာဏာသိမ်းစစ်တပ်က ကြည်းရေလေပူးပေါင်းစစ်ဆင်ရေးလုပ်ပြီး တန်ပြန်ထိုးစစ်ဆင်တိုက်ခိုက်ဖို့ကြိုးစားနေတာလို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
“တပ်တော်ဖက်ကကြားဖြတ်တိုက်ခိုက်နိုင်မယ့်နေရာတွေကို လေကြောင်းကလာပစ်ပါတယ်။နောက်ပြီးလက်နက်ကြီးအထိုင်နေရာတွေကိုပစ်ပြီး လမ်း ကြောင်းရှင်းပါတယ်။ပြီးရင် နေဗီတွေကအနီးကပ်ပစ်ခတ်ပေးနေပါတယ်။နောက်မှတင့်ကားတွေရှေ့ကကားပစ်ပြီး ခြေကုပ်ယူဖို့ကြိုးစားလာတာပါ။” လို့ မြေပြင်စစ်ရေးသတင်းရင်းမြစ်တဦးက Border News Agency ကို ပြောပါတယ်။
အဲဒီစစ်တွေမြို့ရှိ အာဏာသိမ်းစစ်တပ်ရဲ့လက်နက်ကြီးအထိုင်စခန်းခုနှစ်နေရာက လက်နက်ကြီးပစ်ခတ်တိုက်ခိုက်ပေးသလို စစ်သင်္ဘောတွေကလည်း လက်နက်ကြီးတွေ ပစ်ခတ်တိုက်ခိုက်တယ်လို့ အာရက္ခတပ်တော်ထုတ်ပြန်ပါတယ်။
အဲဒီအပြင် အာဏာသိမ်းစစ်တပ်တင့်ကားနှစ်စီးကလည်း လက်နက်ကြီးတွေပစ်ခတ်တိုက်ခိုက်တယ်လို့ အာရက္ခတပ်တော်ထုတ်ပြန်ပါတယ်။
အဲဒီလိုအာဏာသိမ်းစစ်တပ်က လေကြောင်းပစ်ကူအပြင်းအထန်ယူပြီး ကြည်းရေလေပူးပေါင်းပစ်ခတ်နေတာဟာတန်ပြန်ထိုးစစ်ဆင်ဖို့ စစ်ဦးချိုးနေတာဖြစ်သလို လေကြောင်းတိုက်ခိုက်မှုတချို့ထိရောက်မှုရှိနေတယ်လို့ စစ်ရေးစောင့်ကြည့်လေ့လာနေကြသူတွေက ဆိုကြပါတယ်။
“စစ်တပ်က လေကြောင်းတိုက်ခိုက်မှုတ ချို့မှာအေအေဖက်ကအထိနာတာတွေကိုသတိထားမိပါတယ်။အဲဒီလိုအကြိမ်ကြိမ်လုပ်ပြီး အေအေအင်အားတွေလျော့အောင်စစ်တပ်ကလုပ်နေတာပါ။ခုတော့ စစ်တပ်ကကြည်းရေလေပေါင်းပြီးတန်ပြန်ထိုးစစ်ဆင်ဖို့ထိကြိုးစားလာတာကို သတိထားမိပါတယ်။ တကယ်တန်ပြန်ထိုးစစ်ဆင်နိုင်မလားဆိုတာကိုစောင့်ကြည့်ရပါမယ်။”လို့ စစ်ရေးစောင့်ကြည့်လေ့လာနေသူတဦးက Border News Agency ကို ပြောပါတယ်။
အဲဒီပုဏ္ဏားကျွန်းမြို့နယ်ကို မင်းချောင်းတံတားကဆင်းပြီး ခြေကုပ်ယူပြန်သိမ်းဖို့ကြိုးစားနေသလို ရေလမ်းအတိုင်းက မ်းတက်အထိုင်ချဖို့လည်း ကြိုးစားနေပြီး အနီးအနားရှိကျေးရွာတွေအရေးပေါ်ပြောင်းနေကြရတယ်လို့ မြေပြင်စစ်
ရေးသတင်းရင်းမြစ်တွေက ဆိုကြပါတယ်။
အဲဒါကြောင့် ကမ်းခြေ၊ချောင်းကမ်းနံ ဘေးအပါအဝင် မြို့တွေ၊ရွာတွေမှာ အာ ဏာသိမ်းစစ်တပ်ပစ်ခတ်တိုက်ခိုက်မှုတွေကို အထူးသတိထားကြဖို့ ရက္ခိုင်အမျိုးသားအဖွဲ့ချုပ် အသိပီးတိုက်တွန်းထားပါတယ်။
အာဏာသိမ်းစစ်တပ်ဟာပုဏ္ဏားကျွန်းမြို့နယ်အပါအဝင် ရသေ့တောင်၊သံတွဲ၊ဂွစတဲ့မြို့နယ်တွေကိုလည်း ကမ်းတက်စစ်ဆင်ရေးတွေလုပ်ပြီး တန်ပြန်ထိုးစစ်ဆင်ဖို့ကြိုးစားနေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
