Border News Agency
စစ်ကိုင်း၊ ဒီဇင်ဘာ ၈။
စစ်ကိုင်းတိုင်း၊ ဗန်းမောက်မြို့နယ်ရှိ ရွှေလုပ်ကွက်နေရာကို စစ်ကော်မရှင်တပ်လေကြောင်းတိုက်ခိုက်လို့ အရပ်သားတဦးသေဆုံးပြီး ငါးဦးဒဏ်ရာရသွားတယ်လို့ ဗန်းမောက်မြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်ထားပါတယ်။
ဗန်းမောက်မြို့နယ်တောင်ပိုင်း၊ သုံးပင်ကျေးရွာအနီး ရွှေလုပ်ကွက်နေရာ ဒီဇင်ဘာလ ၇ ရက်၊ နေ့လည် ၂ နာရီ ၁၅ မိနစ်အချိန်က စစ်ကော်မရှင်တပ်လေကြောင်းတိုက်ခိုက်ခဲ့တယ်လို့ဆိုပါတယ်။
အဲဒီလို လေကြာင်းတိုက်ခိုက်ခဲ့တာကြောင့် အသက်သုံးဆယ်သုံးနှစ်အရွယ် ကိုငြိမ်းသေဆုံးခဲ့တယ်လို့ ဆိုပါတယ်။
အဲဒီအပြင် အရပ်သားငါးဦးဒဏ်ရာရသွားခဲ့ပြီး နှစ်ဦးမှာဒဏ်ရာပြင်းထန်တာကြောင့် အသက်အန္တရာယ်စိုးရိမ်ရတယ်လို့ ဆိုပါတယ်။
စစ်ကော်မရှင်တပ်ဟာ တိုက်ပွဲဖြစ်ပွားတဲ့နေရာမဟုတ်ပဲ အရပ်သားတွေအလုပ်လုပ်နေတဲ့ နေရာကိုရွယ်ရည်ချက်ရှိရှိလေကြောင်းတိုက်ခိုက်ခဲ့တာလို့ဆိုပါတယ်။
