Border News Agency
မောင်တော၊ ဖေဖော်ဝါရီ ၂၀။
အာရက္ခတပ်တော်(AA)ထိန်းချုပ်ထားတဲ့ မောင်တောမြို့နယ်မှာ မီးဘေးအန္တရာယ်ကို ကြိုတင်ကာကွယ်နိုင်ဖို့ဖွင့်လှစ်ခဲ့တဲ့ အရံမီးသတ်သင်တန်း ပထမအကြိမ်ဟာ ဖေဖော်ဝါရီလ ၁၅ ရက်နေ့က ပြီးဆုံးသွားခဲ့ပါတယ်။
အဲဒီသင်တန်းကို ဖေဖော်ဝါရီလ ၂ ရက်နေ့ကတည်းက စတင်ခဲ့တာဖြစ်ပြီး ရခိုင်၊ မူဆလင်၊ ဟိန္ဒူ၊ မြို၊ သက် စတဲ့ ဒေသခံလူမျိုးပေါင်းစုံ ၁၀၀ နီးပါး တက်ရောက်ခဲ့တာပါ။
သင်တန်းမှာ မီးငြှိမ်းသတ်နည်းတွေအပြင် ရှာဖွေကယ်ဆယ်ရေးလုပ်ငန်းတွေနဲ့ မီးသတ်ဆေးဘူး အသုံးပြုနည်းတွေကို လက်တွေ့သင်ကြားပေးခဲ့တယ်လို့ သိရပါတယ်။
ဒီအရံမီးသတ်တပ်ဖွဲ့ဝင်တွေဟာ အမြဲတမ်းတာဝန်ထမ်းဆောင်ရမှာ မဟုတ်ဘဲ မိမိတို့ရပ်ရွာမှာ မီးဘေးအန္တရာယ် ပေါ်ပေါက်လာတဲ့အခါမှာသာ အာရက္ခပြည်သူ့အစိုးရရဲ့ မီးသတ်ဌာနနဲ့ပူးပေါင်းပြီး ကူညီဆောင်ရွက်သွားကြမှာပါ။
အခုလို ဆောင်းနဲ့ နွေရာသီတွေမှာ မီးလောင်မှုတွေ မကြာခဏ ဖြစ်ပွားတတ်တာကြောင့် အာရက္ခပြည်သူ့အစိုးရ မီးသတ်ဌာနအနေနဲ့ဒေသအနှံ့မှာ အရံမီးသတ်တပ်ဖွဲ့ဝင်သစ်တွေကို အရှိန်အဟုန်မြှင့် ထပ်မံစုဆောင်းနေပါတယ်။
