Border News Agency
မဲဆောက်၊ စက်တင်ဘာ ၃။
ထိုင်းနိုင်ငံ၊ တာ့ခ်ခရိုင်နဲ့ မဲဆောက်မြို့ကို ဆက်သွယ်ထားတဲ့အဝေးပြေးလမ်းမကြီးပေါ်မှာ မိုးသည်းထန်စွာဆက်တိုက်ရွာသွန်းမှုကြောင့် စက်တင်ဘာလ ၃ ရက်၊ဒီနေ့ မနက် ၈ နာရီခွဲအချိန်က လမ်းဘေးမြေကမ်းပါးပြိုကျမှု ဖြစ်ပွားခဲ့တယ်လို့ မဲဆောက် လမ်းတံတားဦးစီးဌာနကထုတ်ပြန်ပါတယ်။
အဲဒီမြေပြိုကျမှုဟာ မြန်မာ – ထိုင်း ချစ်ကြည်ရေးတံတားနဲ့ မဲလမောင်းလမ်းပိုင်းအကြား ကီလိုမီတာ ၂၇+၇၀၀ မှ ၂၇+၇၇၅ အကြားမှာဖြစ်ပွားခဲ့တာဖြစ်ပါတယ်။
မိုးဆက်တိုက်ရွာသွန်းမှုကြောင့် မြေဆီလွှာအတွင်းရေဝင်ရောက်ကာ အလေးချိန်မြင့်တက်လာပြီး မြေထုစိုက်ပျိုးထိန်းသိမ်းနိုင်အား လျော့ကျသွားတာကြောင့် လမ်းဘေးပုခုံးသားတွေပြိုကျ ပျက်စီးသွားခဲ့တာ ဖြစ်ပါတယ်။
ခုလက်ရှိမှာတော့ သက်ဆိုင်ရာလမ်းဦးစီးဌာနတာဝန်ရှိသူတွေက သတိပေးဆိုင်းဘုတ်တွေနဲ့ ကွန်ကရစ်တုံးတွေချထားပြီး ယာဉ်ကြောပုံမှန်သွားလာနိုင်ရေးဆောင်ရွက်ပေးနေတာကြောင့် ခရီးသွားသူတွေအနေနဲ့ သတိပြုမောင်းနှင်ကြဖို့ အသိပေးထားပါတယ်။
