အင်တာဗျူး
Border News Agency
မြောက်ဦး၊ သြဂုတ် ၁၈။
အာရက္ခဒေသမှာ ရေကြီးမှုကြောင့် စိုက်ပျိုးထားပြီးသား စပါးခင်းဧကနှစ်သောင်းခန့်ပျက်စီးသွားခဲ့ပြီး လယ်အ များစုကို စပါးတွေ ပြန်မစိုက်ပျိုးနိုင်ကြဘူးလို့ လယ်သမားတွေနဲ့လယ်သမား အရေးကူညီဆောင်ရွက်နေသူတွေက ဆိုကြပါတယ်။
အဲဒီအကြောင်းဓည၀တီတောင်သူလယ်သမားဖွံ့ဖြိုးတိုးတက်ရေးအသင်းမှအထွေထွေအတွင်းရေးမှူးဦးမောင်သိန်းလှကို Border News Agency က ဆက်သွယ်မေးထားပါတယ်။
“စပါးပျက်တဲ့ စာရင်းတွေကတော့ လောလောဆယ်စာရင်းပြုစုနေဆဲပဲရှိပါသေးတယ်။ ကြီးကြီးမားမားတော့မဖြစ်နိုင်ပါ။ ထိခိုက်တာကတော့ ဖြစ်နိုင်ပါတယ်။ တချို့ရေနက်ကွင်းနေရာတွေမှာတော့ ခုထိရေမကျတာတွေရှိနေသေးတယ်လို့ပြောပါတယ်။”
“ဒီကွင်းဘက်မှာဆိုရင် ရေနက်ရင်တော့တစိတ်တခြမ်းပျက်သွားပါမယ်။ တချို့နေရာတွေမှာတော့ အပင်ပိုင်းကြီးထွားမှုတွေရပ်ဆိုင်းသွားနိုင်တာတွေလည်း ရှိနိုင်ပါတယ်။ အကုန်လုံးပျက်သွားတာလည်း ရှိနိုင်ပါတယ်။နေရာတွေကတွေကတော့ အထူးသဖြင့် မြောက်ဦးမြို့ နယ်၊ပေါင်းတုတ်ကွင်းပါ။ ကျွန်တော်တို့ မြောက်ဦးမြို့ကကျော်သွားတာနဲ့ ပေါင်းတုတ်ကွင်းမှာ တကွင်းလုံးရေတွေပြည့်နေတာပါ။ သူတို့ကကျ တကွင်းလုံးချွတ်ပါပြီ။အဲဒီလို ထိခိုက်ဆုံးရှုံးမှုတွေရှိပါတယ်။”
“ကျောက်တော်ဘက်ကိုလှည့်လိုက်မယ်ဆို ညောင်ချောင်းရဲစခန်းနားက ကွင်းတွေပါ၊စပါးဆိပ်ကွင်းတွေတော့ လုံးဝပျက်စီးမှုတွေရှိနိုင်ပါတယ်။”
“ဒီစာရင်းကတော့ လောလောဆယ် မထွက်သေးပါဘူး။ ပျက်စီးမှုတွေကအနည်းနဲ့အများ ဦးတည်နေပါတယ်။ ထိခိုက်တာကတော့ များပြားနိုင်ပါတယ်။”
