Border News Agency
မောင်တော၊ အောက်တိုဘာလ ၁။
အာရက္ခတပ်တော်(AA)ထိန်းချုပ်ထားတဲ့အာရက္ခ-ဘင်္ဂလားနယ်စပ်၊ မောင်တောမြို့နယ်မှာ အရပ်သားပြည်သူတွေဟာအာရက္ခပြည်သူ့တော်လှန်ရေးအစိုး ရရဲ့အုပ်ချုပ်ရေးနဲ့လုံခြုံရေးတပ်ဖွဲ့ဝင်တွေရှိရာ အနီးစပ်ဆုံးနေရာတွေမှာ သတင်းပေးပို့ပြီးမှသွားလာကြဖို့ အောက်တိုဘာလ ၁ ရက်၊ ဒီနေ့ အာရက္ခတပ်တော်က လုံခြုံရေးအရထပ်မံသတိပေးထားပါတယ်။
အဲဒီမောင်တောနယ်စပ်ရှိ မိဘပြည်သူတွေဟာ တောတောင်ထဲနဲ့ လူပြတ်သောနေရာတွေကို သွားလာကြချိန်မှာ တဦးတည်း(သို့)လူအနည်းစုနဲ့သွားလာကြတာကိုအတတ်နိုင်ဆုံးမပြုလုပ်ကြဖို့လည်း ထပ်မံသတိပေးထားပါတယ်။
အဲဒီမောင်တောနယ်စပ်မှာ ကျန်းမာရေးကိစ္စအပါအဝင် မဖြစ်မနေသွားလာရမယ့်အရေးကြီးကိစ္စတွေရှိရင်လည်း အာရက္ခပြည်သူ့တော်လှန်ရေးအစိုးရရဲ့အုပ် ချုပ်ရေးနဲ့လုံခြုံရေးတပ်ဖွဲ့ဝင်တွေရှိရာ အနီးစပ်ဆုံးနေရာတွေမှာ သတင်းပေးပို့ပြီးမှသွားလာကြဖို့ ထပ်မံသတိပေးထားပါတယ်။
အဲဒီမောင်တောနယ်စပ်မှာအစ္စလာမ်မစ်အစွန်းရောက်အဖွဲ့တွေဟာ နတ်မြစ်နဲ့မယူတောင်လမ်းကြောင်းတွေမှတဆင့် ဝင်ရောက်လှုပ်ရှားနေကြပြီး အကြမ်းဖက်မှုတွေ ကျူးလွန်နေကြတယ်လို့ ပြည်သူတွေက ဆိုကြပါတယ်။
အဲဒီအစ္စလာမ်မစ်အစွန်းရောက်အဖွဲ့တွေဟာ လူသူကင်းမဲ့တဲ့တောတောင်တွေ၊လူပြလူပြတ်တဲ့နေရာတွေမှာဟင်းရှာ၊ ထင်းခုတ်၊ ဈေးဝယ်သွားလာနေကြတဲ့ ဒေသခံပြည်သူတွေကို အကြမ်းဖက်တိုက်ခိုက်နေတယ်လို့ ဆိုကြပါတယ်။
အဲဒီအပြင် ဒေသခံပြည်သူလူထုတွေထဲမှမူဆလင်မဟုတ်တဲ့သူတွေကို ချောင်းမြောင်းပစ်ခတ်တာ၊ပြန်ပေးဆွဲတာ၊သ တ်ဖြတ်တာတွေ ဆက်တိုက်လုပ်နေကြတယ်လို့ ဆိုကြပါတယ်။
အဲဒီမောင်တောနယ်စပ်မှာအစ္စလာမ်မစ်အစွန်းရောက်စစ်သွေးကြွအကြမ်းဖက်အဖွဲ့တွေဟာ အရပ်သားခြောက်ဦးကို ဖမ်းဆီးသတ်ဖြတ်ခဲ့တယ်လို့ အောက် တိုဘာလ ၁ ရက်၊ဒီနေ့ အာရက္ခတပ်တော်ထုတ်ပြန်ပါတယ်။
အဲဒီရုပ်အလောင်းတွေဟာ မောင်တောနယ်စပ်တမန်းသားရွာနဲ့ဒုံးညိုရွာမှ ပျောက်ဆုံးနေတဲ့ရွာသားတွေထဲက ခြောက်ဦးရဲ့ရုပ်အလောင်းတွေဖြစ်နိုင်တယ်လို့ခန့်မှန်းထားပါတယ်။
အဲဒီအကြမ်းဖက်အဖွဲ့ဟာလမ်းတလျှောက်အရပ်သားပြည်သူတွေကို ဖမ်း ဆီးနှိပ်စက်သတ်ဖြတ်ပြီး အလောင်းတွေကို လူပြတ်တဲ့နေရာ(သို့မဟုတ်)လူ အရောက်နည်းတဲ့နေရာတွေမှာ စွန့်ပစ်ထားခဲ့ကြတယ်လို့ ဆိုပါတယ်။
အဲဒီလိုပြုလုပ်တာဟာ နှိုတ်ပိတ်လိုက်တာဖြစ်ပေမယ့် မူဆလင်မဟုတ်သူတွေကိုသာ ကျူးလွန်ခဲ့ကြတာလို့ အာရက္ခတပ်တော်က ဆိုပါတယ်။
အဲဒီအချိန်က အာရက္ခတပ်တော်အရပ်ဘက်အုပ်ချုပ်ရေးမှာ အရပ်သားတွေလူပျောက်လာတိုင်ခဲ့ကြတာဆယ်ဦးထိရှိခဲ့တယ်လို့ ဆိုပါတယ်။
အဲဒီအစ္စလာမ်မစ်အစွန်းရောက် စစ်သွေးကြွအကြမ်းဖက်လက်နက်ကိုင်အ ဖွဲ့ဝင်တွေဟာ အာရက္ခ – ဘင်္ဂလားဒေ့ရှ် နယ်စပ်ဒေသနေ အပြစ်မဲ့အာရက္ခမိဘပြည်သူတွေရဲ့အသက်အိုးအိမ်၊စည်းစိ မ်ကို ခြိမ်းခြောက်နေတယ်လို့ ဆိုပါတယ်။
အဲဒီရိုဟင်ဂျာအမည်ခံလက်နက်ကိုင်အကြမ်းဖက်သမားအစ္စလာမ်မစ်အစွန်း ရောက်တွေဟာ ဘင်္ဂလားဒေ့ရှ်နိုင်ငံကိုအခြေပြုလှုပ်ရှားနေကြတာဖြစ်ပြီး ဘင်္ဂလားဒေ့ရှ်အစိုးရလက်နက်ကိုင်တာဝန်ရှိသူတချို့အကြမ်းဖက်သမားတွေကိုအားပေးကူညီပေးနေကြတယ်လို့ အာရက္ခတပ်တော်က ဆိုထားပါတယ်။
အဲဒီအာရက္ခ-ဘင်္ဂလားဒေ့ရှ်နယ်စပ်တွေမှာ ရိုဟင်ဂျာအမည်ခံလက်နက်ကိုင်အကြမ်းဖက်သမားအစ္စလာမ်မစ်အစွန်း ရောက်တွေဟာ နတ်မြစ်အပါအဝင်ရေပြင်မှာလည်း ငါးဖမ်းသမားတွေဟန် ဆောင်ပြီး ဝင်ရောက်အကြမ်းဖက်မှုတွေကျူးလွန်နေကြတယ်လို့ ဆိုကြပါတယ်။
အဲဒီလို အရပ်သားပြည်သူတွေကို ဖမ်းဆီးသတ်ဖြတ်ပြန်ပေးဆွဲတာတွေလည်းမကြာခဏကျူးလွန်နေကြသလို ကျွဲ၊ နွား၊ ဆိတ်စတဲ့ တိရိစ္ဆာန်တွေကို အုပ်စုလိုက်ခိုးယူနေကြတယ်လို့ မောင်တောဒေသခံတွေက ဆိုကြပါတယ်။
အဲဒါကြောင့် ဒေသအတွင်းအကြမ်းဖက်အန္တရာယ်ကင်းဝေးစေဖို့နဲ့ ပြည်သူ့လုံခြုံရေးအတွက် အာရက္ခ-ဘင်္ဂလားဒေ့ရှ်နယ်စပ်က အစ္စလာမ်မစ်အစွန်းရောက်စစ်သွေးကြွအကြမ်းဖက်အဖွဲ့တွေကို လိုက်လံရှင်းလင်းနေတယ်လို့ အာရက္ခတပ်တော်က ဆိုပါတယ်။
