Border News Agency
ကျောက်မဲ၊ အောက်တိုဘာ ၁။
ကျောက်မဲမြို့မှာ မြေမြုပ်မိုင်းနင်းမိလို့အမျိုးသားနှစ်ဦးသေဆုံးသွားတယ်လို့ တအာင်းတပ်မတော်က အောက်တိုဘာလ ၁ ရက်၊ ဒီနေ့ထုတ်ပြန်ပါတယ်။
ဦးကိုဦးဟာ မီးသင်္ဂြိုဟ်ပြီးတဲ့ရုပ်အလောင်းရဲ့ပြာတွေကိုအနောက်ဘက်သို့သွားစွန့်ပစ်ရာမှာ ပြီးခဲ့တဲ့စက်တင်ဘာလ ၂၉ ရက်၊ မနေ့ မနက် ၁၀ နာရိိအချိန်က မြေမြုပ်မိုင်းနင်းမိလို့ သေဆုံးသွားခဲ့တယ်လို့ဆိုပါတယ်။
အဲဒီအပြင် နောက်ထပ်လူငယ်တဦးဟာလည်း ပြီးခဲ့တဲ့စက်တင်ဘာ ၂၉ ရက်၊နေ့လည် ၂ နာရီအချိန်မှာသုသာန်ကွင်းပြင်မှာ နွားသွားရှာနေစဉ် မိုင်းနင်းမိလို့သေဆုံးသွားခဲ့တယ်လို့ဆိုပါတယ်။
အဲဒီအခင်းဖြစ်ပွားခဲ့တဲ့နေရာမှာ ပရဟိတလူမှုကူညီရေးအသင်းမှသွားရောက်သယ်ဆောင်ခဲ့ပြီး အမျိုးသားနှစ်ဦးကို မီးသင်္ဂြိုလ်ဖို့ ပို့ဆောင်ပေးခဲ့တယ်လို့ဆိုပါတယ်။
ကျောက်မဲမြို့မှာ စက်တင်ဘာလ ၂၁ ရက်နေ့ကလည်းအမျိုးသားနှစ်ဦးဟာ အိမ်မှာကျန်နေခဲ့တဲ့မြေသြဇာတွေကို ဆိုင်ကယ်နဲ့သွားယူနေစဉ် လမ်းမပေါ်ရှိ မိုင်းနင်းမိလို့ သေဆုံးသွားခဲ့တယ်လို့ ဆိုပါတယ်။
