Border News Agency
ပဲခူး၊ ဇန်နဝါရီ ၁၄။
ပဲခူးတိုင်းမှာ စစ်ကော်မရှင်တပ်ရဲ့အကြမ်းဖက်မှုတွေကြောင့် ပြည်သူနှစ်ဆယ့်ရှစ်ဦးသေဆုံးခဲ့တယ်လို့ နိုင်ငံရေးအကျဥ်းသားများ ကူညီစောင့်စောင့်ရေးအသင်း(AAPP )က ဇန်နဝါရီလ ၁၃ ရက်၊ မနေ့က ထုတ်ပြန်ပါတယ်။
ပြီးခဲ့တဲ့ ၂၀၂၅ ခုနှစ်အောက်တိုဘာလကနေ ဇန်နဝါရီ ၁၃ ရက်နေ့ထိ လေးလကျော်ကာလအတွင်း ပြည်သူနှစ်ဆယ့်ရှစ်ဦးသေဆုံးခဲ့တယ်လို့ဆိုပါတယ်။
အဲဒီသေဆုံးသူတွေထဲမှာ အမျိုးသမီးဆယ့်ငါးဦးနဲ့ အမျိုးသားဆယ့်သုံးဦးနဲ့ အသက်မပြည့်သေးတဲ့ ကလေးငယ်နှစ်ဦးပါဝင်နေပါတယ်။
အဲဒီသေဆုံးသူတွေအများစုဟာ စစ်ကော်မရှင်ရဲ့လေကြောင်းတိုက်ခိုက်လို့ သေဆုံးသူဆယ့်ကိုးဦးထိရှိခဲ့တယ်လို့ဆိုပါတယ်။
အဲဒီအပြင်လက်နက်ကြီးပစ်ခတ်မှုကြောင့် အပြစ်မဲ့ပြည်သူခုနှစ်ဦး သေဆုံးခဲ့ရတယ်လို့ဆိုပါတယ်။
အဲဒီကျောက်ကြီးမြို့နယ်၊ လှေဒုံးကျေးရွာတွေကို ဇန်နဝါရီလ ၈ ရက်နေ့ကလည်း စစ်ကော်မရှင်တပ်က လေကြောင်းတိုက်ခိုက်လို့ သက်ကြီးရွယ်အိုအမျိုးသမီးကြီးတွေအပါအဝင် သုံးဦးသေဆုံးခဲ့တယ်လို့ဆိုပါတယ်။
နောက်ပြီးအတည်ပြုဖို့လိုနေသေးတဲ့ သေဆုံးသူဆယ့်သုံးဦးရဲ့စာရင်းကိုလည်း သီးခြားကောက်ယူနေပြီး မြေပြင်မှာ တကယ်တမ်းသေဆုံးသွားသူအရေအတွက်ဟာ ခုထက်အများကြီး ပိုများနိုင်ပါတယ်လို့ဆိုပါတယ်။
ဓာတ်ပုံ-ပဲခူးတိုင်း၊ ပေါက်ခေါင်းမြို့နယ်၊ ကြိုပင်ဝိုင်းကျေးရွာမှာ ပြီးခဲ့တဲ့နိုဝင်ဘာလ ၁၆ ရက်နေ့က စစ်ကော်မရှင်တပ်လေကြောင်းတိုက်ခိုက်လို့ အရပ်သားတွေသေဆုံး၊ ဒဏ်ရာရခဲ့ကြပုံကိုတွေ့မြင်ရတာပါ။
