Border News Agency
ကျောက်ဖြူ၊ ဇန်နဝါရီ ၂၄။
ကျောက်ဖြူမြို့နယ်မှာ စစ်ကော်မရှင်တပ်ဒရုန်းနဲ့တိုက်ခိုက်လို့ စစ်ဘေးရှောင်နှစ်ဦးသေဆုံးပြီး လသားအရွယ်ကလေးတဦးအပါအဝင် ငါးဦးဒဏ်ရာရသွားခဲ့ပါတယ်။
အဲဒီကျောက်ဖြူမြို့နယ်၊ မူရွင်းရွာကို ဇန်နဝါရီလ ၂၄ ရက်၊ ဒီနေ့ နေ့လည် ၁ နာရီအချိန်ခန့်က စစ်ကော်မရှင်တပ်ဒရုန်းနဲ့ ရွယ်ရည်ချက်ရှိရှိတိုက်ခိုက်ခဲ့ပါတယ်။
အဲဒီလို တိုက်ခိုက်ခဲ့တာကြောင့် စစ်ဘေးရှောင်နှစ်ဦးသေဆုံးပြီး လသားအရွယ်ကလေးတဦးအပါအဝင် ငါးဦးဒဏ်ရာရသွားခဲ့ပါတယ်။
အဲဒီ အသက်ရှစ်ဆယ့်တနှစ်အရွယ် ဒေါ်ဖြူနုမ၊ အသက်ငါးဆယ့်ခြောက်နှစ်အရွယ် ဦးမှဲ့ဒေါင်းတို့သေဆုံးခဲ့ပါတယ်။
အဲဒီအပြင် စိုင်ခြုံဒွိန်ရွာမှ အသက်ကိုးလအရွယ် မောင်အေးမင်းခိုင်၊ အသက်သုံးဆယ့်လေးနှစ်အရွယ် ဒေါ်ခင်ဆန်းဝင်း၊ သိုင်းချောင်းရွာမှ အသက်ငါးဆယ့်ခြောက်နှစ် အရွယ်ဒေါ်မမြရင်၊ ဇိုင်ချောင်းရွာမှ အသက်ခြောက်ဆယ့်ခုနှစ်နှစ်အရွယ် ဒေါ်ဘနုမ၊ အသက်ခြောက်ဆယ့်သုံးနှစ်အရွယ် ဦးမောင်ကျော်တို့ ဒဏ်ရာရသွားခဲ့ပါတယ်။
အဲဒီမူရွင်းရွာရှိ စစ်ဘေးရှောင်တွေနေတဲ့စာသင်ကျောင်းကို ဒီနေ့ နေ့လည် ၁၂ နာရီ ၅၆ မိနစ်အချိန်က စစ်ကော်မရှင်တပ်က အသေခံဒရုန်းနဲ့ ရွယ်ရွယ်ချက်ရှိရှိတိုက်ခိုက်ခဲ့တယ်လို့ ဒေသခံတွေကဆိုကြပါတယ်။
အဲဒီကျောက်ဖြူမြို့နယ်၊ ကုန်ဘောင်ကြီးရွာကို ဇန်နဝါရီလ ၂၂ ရက်နေ့ကလည်း စစ်ကော်မရှင်တပ်ဒရုန်းနဲ့တိုက်ခိုက်လို့ အရပ်သားနှစ်ဦးဒဏ်ရာရသွားခဲ့ပါတယ်။
စစ်ကော်မရှင်တပ်ဟာ ကျောက်ဖြူအပါအဝင် အာရက္ခတပ်တော်ထိန်းချုပ်ထားတဲ့မြို့တွေကို စစ်သင်္ဘောတွေက လက်နက်ကြီး၊ လေယာဉ်တွေနဲ့ဆက်တိုက်ပစ်ခတ်နေလို့ ပြည်သူတွေအတွက် အန္တရာယ်အမြင့်ဆုံးဖြစ်နေတယ်လို့ အာရက္ခတပ်တော်က ဆိုပါတယ်။
လူနေထူထပ်တဲ့ အရပ်သားပြည်သူတွေနေထိုင်ရာနေရာ၊ စာသင်ကျောင်း၊ ဆေးရုံ၊ ဆေးခန်းနဲ့ သာသနိကအဆောက်အအုံတွေကို စစ်ကော်မရှင်တပ်ရည်ရွယ်ချက်ရှိရှိ ရေကြောင်း၊ လေကြောင်းကတိုက်ခိုက်မှု ပြုလုပ်နေတယ်လို့ ဆိုပါတယ်။
အဲဒါကြောင့် ပင်လယ်ကမ်းနီးမြို့၊ ရွာတွေကမိဘပြည်သူတွေဟာ စစ်ကော်မရှင်တပ်ရေကြောင်း၊ လေကြောင်းတိုက်ခိုက်မှုအန္တရာယ်ကို အထူးသတိထားကြပြီး စစ်ရေးသတိရှိဖို့အသိပေးထားပါတယ်။
