Border News Agency
ဖိလစ်ပိုင်၊ ဇန်နဝါရီ ၂၇။
ဖိလစ်ပိုင်တောင်ပိုင်း၊ ဘာစီလန်ကမ်းလွန်မှာ ခရီးသည်သုံးရာ့ငါးဆယ်ကျော်တင်လာတဲ့ကူးတို့သင်္ဘောတစီး ဇန်နဝါရီလ ၂၆ ရက်၊မနက်ပိုင်းက နစ်မြုပ်သွားခဲ့တယ်လို့ ဖိလစ်ပိုင်ကမ်းရိုးတန်းအစောင့်တပ်ဖွဲ့ (PCG) က ဇန်နဝါရီလ ၁၆ ရက်၊ မနေ့ကထုတ်ပြန်လိုက်တယ်။
အဲဒီနစ်မြုပ်သွားတဲ့ သင်္ဘောဟာ သုံးထပ်အမျိုးအစား MV Trisha Kerstin-1 ဖြစ်ပြီး ဇမ်ဘွမ်ဂါမြို့ကနေ ဂျိုလိုကျွန်းကို မောင်းနှင်နေတုန်း မနက် အရုဏ်တက် ၁ နာရီခွဲကျော်မှာ အချက်ပေးစနစ်လွှင့်ပြီး နစ်မြုပ်သွားတာပါ။
အဲဒီသင်္ဘောနစ်မြုပ်မှုကြောင့် အခုချိန်ထိ ဆယ့်ရှစ်ဦး သေဆုံးသွားတာကို တွေ့ရှိထားပြီး နောက်ထပ်နှစ်ဆယ့်လေးဦး ပျောက်ဆုံးနေတယ်လို့ နိုင်ငံတကာ သတင်းတွေအရ သိရပါတယ်။
အဲဒီ သင်္ဘောနစ်ချိန်မှာ ပင်လယ်ပြင်မှာ လှိုင်းကြီးနေပြီး သင်္ဘောအောက်ထပ်ထဲကို ရေတွေဝင်လာကာ တိမ်းစောင်းနစ်မြုပ်ခဲ့တာပါ။
ဒါပေမယ့် သင်္ဘောမှာအလေးချိန်ပိုတင်ထားတာမျိုးတော့ မရှိဘူးလို့ ဆိုပါတယ်။
အဲဒီသင်္ဘောကို ပိုင်တဲ့ Aleson Shipping Lines ကုမ္ပဏီဟာ ပြီးခဲ့တဲ့ ၂၀၂၃ ခုနှစ်တုန်းကလည်း အခုလမ်းကြောင်းမှာပဲ သင်္ဘောနစ်မြုပ်မှု ဖြစ်ဖူးတယ်လို့ သိရပါတယ်။
အဲဒီအပြင် လက်ရှိမှာတော့ ဘာစီလန်ပြည်နယ်အစိုးရက ကယ်ဆယ်ထားတဲ့သူတွေကို လိုအပ်တဲ့ ဆေးကုသမှုတွေနဲ့ ထောက်ပံ့မှုတွေ ပေးနေပါတယ်။
