Border News Agency
နေပြည်တော်၊ဇူလိုင် ၁။
အလင်းဝင်လာတဲ့ ပြည်သူ့ကာကွယ်ရေးတပ်ဖွဲ့ဝင်တွေနဲ့ ပြစ်ဒဏ်ကလွတ်မြောက်လာသူတွေကို Blacklist ထဲ ထည့်မထားသလို NCA လက်မှတ်ထိုးထားတာ ရှိရှိ၊မရှိရှိလက်နက်ကိုင်အဖွဲ့အားလုံးနဲ့ ငြိမ်းချမ်းရေးဆွေးနွေးဖို့ တံခါးဖွင့်ထားတယ်လို့ အာဏာသိမ်းစစ်တပ်ပြောရေးဆိုခွင့်ရှိသူ ဒေါက်တာခိုင်ခိုင်စိုးက ဇွန်လ ၃၀ ရက် နေပြည်တော် သတင်းစာရှင်းလင်းပွဲမှာ ပြောပါတယ်။
အဲဒီအပြင် ၂၀၂၄ ခုနှစ်အတွင်းမှာ Blacklist ထဲက လူခုနှစ်ထောင်ကျော်ကို စိစစ်ပယ်ဖျက်ပေးခဲ့တယ်လို့လည်း ဆိုပါတယ်။
အာဏာသိမ်းစစ်တပ်ဘက်က ငြိမ်းချ မ်းရေးအတွက် အမြဲတံခါးဖွင့်ထားတယ်လို့ ဝါဒဖြန့်ပြောဆိုနေပေမယ့် မြေပြင်မှာတနိုင်ငံလုံးအတိုင်းအတာနဲ့လေကြောင်းရန်အပါအဝင် စစ်ရေးအရှိန်မြှင့်တင်ပြီး အရပ်သားပြည်သူတွေကိုပါ ပစ်မှတ်ထားတိုက်ခိုက်မှုတွေ ဆက်တိုက်ပြုလုပ်နေတာပါ။
အဲဒီအပြင်အာဏာသိမ်းစစ်တပ်ဟာ နိုင်ငံအနှံ့က စစ်စခန်းတွေနဲ့ မြို့ပေါင်းများစွာကို တော်လှန်ရေးပူးပေါင်းတပ်ဖွဲ့တွေဆီ လက်လွှတ်ဆုံးရှုံးထားရပြီး စစ်အင်အားပြတ်လပ်မှုအကျပ်ရိုက်နေပါတယ်။
အဲဒါကြောင့် ငြိမ်းချမ်းရေးဖိတ်ခေါ်မှုဟာ မြေပြင်မှာ စစ်ရေးအရ အဘက်ဘက်က ရှုံးနိမ့်နေတာကို အချိန်ဆွဲဖို့နဲ့ နိုင်ငံတကာအလယ်မှာ ထွက်ပေါက်ရှာဖို့အတွက် ဟန်ပြလုပ်ဆောင်တဲ့ ဝါဒဖြန့်မှုသာ ဖြစ်တယ်လို့ နိုင်ငံရေးလေ့လာသူတွေကထောက်ပြကြပါတယ်။
