စစ်ကိုင်းတိုင်း၊ ဒီပဲယင်းမြို့နယ်၊ ဘုတ္ထန်းကျေးရွာကို ဖေဖော်ဝါရီ ၁၁ ရက်၊ ည ၉ နာရီခွဲအချိန်က စစ်ကော်မရှင်တပ် တိုက်လေယာဉ်နှစ်စီးနဲ့ တိုက်ခိုက်ခဲ့တယ်လို့ သိရပါတယ်။
အဲဒီလိုတိုက်ခိုက်လို့ ဘုတ္ထန်းကျေးရွာကအသက် ၃၇နှစ်အရွယ်အမျိုးသားတဦး သေဆုံးခဲ့ရပြီး ပြည်သူပိုင်နေအိမ်သုံးလုံး မီးလောင်ပျက်စီးခဲ့ပါတယ်။
အဲဒီအပြင် နေအိမ် ၁၀ လုံးကတော့ ဗုံးဒဏ်ကြောင့်လုံးဝပျက်စီးသွားခဲ့သလို တခြားနေအိမ် ၁၆လုံးလည်း ဗုံးစထိမှန်ပြီး ပျက်စီးသွားခဲ့တာကြောင့် စုစုပေါင်း အိမ်ခြေ ၂၉လုံးအထိ ထိခိုက်ပျက်စီးခဲ့ရပါတယ်။
စစ်ကော်မရှင်တပ်ဟာ ကျေးရွာတွေနဲ့ စစ်ရှောင်စခန်းတွေကို ပစ်မှတ်ထားပြီး လေကြောင်းကနေ ဆက်တိုက်တိုက်ခိုက်နေတာကြောင့် ပြည်သူတွေအနေနဲ့ လေကြောင်းအန္တရာယ်ကို အထူးသတိပြုကြဖို့ ဒီပဲယင်းမြို့နယ် ပြည်သူ့အုပ်ချုပ်ရေးအဖွဲ့က တိုက်တွန်းနှိုးဆော်ထားပါတယ်။
