Border News Agency
ကျောက်တော်၊မတ် ၂၀။
အာရက္ခတပ်တော်(AA)ထိန်းချုပ်ထားတဲ့ ကျောက်တော်မြို့နယ်မှာ မတ်လ ၁၇ ရက်နေ့ကတည်းကကုလားတန်မြစ်အတွင်း ရေနစ်ပျောက်ဆုံးနေတဲ့ အသက် ၁၄ နှစ်အရွယ် မိန်းကလေးငယ်နှစ်ဦးရဲ့ ရုပ်အလောင်းကို ပြန်လည်ရှာဖွေတွေ့ရှိခဲ့တယ်လို့ သိရပါတယ်။
အဲဒီ ရေနစ်သေဆုံးသွားသူတွေဟာ ကျောက်တော်မြို့နယ်၊အပေါက်ဝရွာ၊ရင်းဒါးရပ်ကွက်က မရွှေဇင်ဦးနဲ့ မမေဇူလှိုင်တို့ ဖြစ်ကြပါတယ်။
သူတို့ဟာ မတ်လ ၁၇ ရက် ညနေပိုင်းမှာ သူငယ်ချင်းတွေနဲ့အတူ ကုလားတန်မြစ်ထဲ ရေဆင်းချိုးရာကနေ ရေနစ်ပျောက်ဆုံးသွားခဲ့တာပါ။
ဒီဖြစ်စဉ်နဲ့ပတ်သက်ပြီး အာရက္ခအစိုးရရဲ့တရားဥပဒေစိုးမိုးရေးနဲ့ ပြည်သူ့လုံခြုံရေးဌာန (DLEPS) တပ်ဖွဲ့ဝင်တွေနဲ့ ရွာသားတွေ ပူးပေါင်းပြီး မြစ်ကြောင်းတလျှောက် ဝိုင်းဝန်းရှာဖွေခဲ့ကြပါတယ်။
မရွှေဇင်ဦးရဲ့ ရုပ်အလောင်းကိုတော့ အခင်းဖြစ်တဲ့နေ့မှာပဲ ပြန်တွေ့ခဲ့ပြီး မမေဇူလှိုင်ရဲ့ ရုပ်အလောင်းကိုတော့ မတ်လ ၁၉ ရက် မနက်ပိုင်းမှာမှ ပြန်ရှာတွေ့ခဲ့တာ ဖြစ်ပါတယ်။
အာရက္ခဒေသအတွင်းမှာ မြစ်ချောင်းအင်းအိုင်တွေ ပေါများပြီး တချို့နေရာတွေမှာ ရေစီးသန်တာကြောင့် ဒေသခံတွေအနေနဲ့ မြစ်ကမ်းနားတွေမှာ သွားလာတာ၊ ရေချိုးတာတွေလုပ်တဲ့အခါ အထူးဂရုစိုက်ကြဖို့ ဒေသဆိုင်ရာ အာဏာပိုင်တွေက သတိပေးနှိုးဆော်ထားပါတယ်။
