Border News Agency
နေပြည်တော်၊ မတ် ၃၁ ။
အာဏာသိမ်းစစ်ခေါင်းဆောင်မင်းအောင်လှိုင်ကို မတ်လ ၃၁ ရက်၊ ဒီနေ့ကျင်းပတဲ့ ပြည်သူ့လွှတ်တော်မှာဒုသမ္မတအဖြစ်ရွေးလိုက်ပါတယ်။
အဲဒီသမ္မတရွေးအဖွဲ့ရဲ့ပြည်သူ့လွှတ်တော်ကိုယ်စားလှယ်တွေက မဲပေးရွေးလိုက်ကြတာပါ။
အာဏာသိမ်းစစ်ခေါင်းဆောင်မင်းအောင်လှိုင်ဟာ ၂၄၇ မဲရပြီး ဒေါက်တာကျော်ဆွေကတော့ ၁၀ မဲသာရပါတယ်။
ပြည်သူ့လွှတ်တော်က အာဏာသိမ်းစစ်ခေါင်းဆောင်မင်းအောင်လှိုင်နဲ့ တောင်တွင်းကြီးမဲဆန္ဒနယ်ကဒေါက်တာကျော်ဆွေကို တင်သွင်းခဲ့တာပါ။
အမျိုးသားလွှတ်တော်မှာတော့ ကရင်ပြည်နယ် မဲဆန္ဒနယ် ၂ က ဒေါ်နန်းနီနီအေးနဲ့ ကချင်ပြည်နယ် မဲဆမ္ဒနယ် ၂ က ဒေါက်တာ မနမ်တူးဂျာကိုတင်ခဲ့ကြပြီး ဒေါ်နန်းနီနီအေးဟာ မဲနိုင်ကာဒုသမ္မတအဖြစ် ရွေးခံရပါတယ်။
တပ်မတော်သားကိုယ်စားလှယ်အစုအဖွဲ့ကရွေးချယ်သူကိုတော့ မသိရသေးပါဘူး။
အဲဒီဒုတိယ သမ္မတလောင်းတွေကို လွှတ်တော်တွေက ပြည်ထောင်စုလွှတ်တော်ကိုတင်ပြကြပြီး သမ္မတ နဲ့ ဒုသမ္မတ ၁ နဲ့ ဒုသမ္မတ ၂ အဖြစ် အတည်ပြုပေးမှာဖြစ်ပါတယ်။
အာဏာသိမ်းစစ်ခေါင်းဆောင်းမင်းအောင်လှိုင်ဟာ သမ္မတဖြစ်လာမယ်လို့ပြောဆိုနေကြပါတယ်။
