Border News Agency
ဆော၊ ဧပြီ ၆ ။
မကွေးတိုင်း၊ ဆောမြို့နယ်မှာ အသက် ၁၃ နှစ်အရွယ်မိန်းကလေးငယ်တဦးကို မုဒိမ်းကျူးလွန်သတ်ဖြတ်ပြီး အလောင်းဖျောက်ခဲ့တဲ့ တရားခံမင်းမင်းစိုးကို မြို့နယ်တရားရုံးကနေ ဧပြီလ ၂ ရက်နေ့မှာ သေဒဏ်အမိန့် ချမှတ်လိုက်ပါတယ်။
အဲဒီတရားခံဟာ ပြီးခဲ့တဲ့ ၂၀၂၅ ခုနှစ်၊ အောက်တိုဘာလအတွင်းက မိသားစုနဲ့ ရင်းနှီးမှုကို အခွင့်ကောင်းယူပြီးကလေးမလေးကို ခေါ်ဆောင်သွားကာ ဆောမြို့ ပြည်သူ့ဆေးရုံဝင်းအတွင်းမှာရက်ရက်စက်စက် သတ်ဖြတ်ခဲ့တာပါ။
အဲဒီဖြစ်စဉ်နဲ့ပတ်သက်ပြီး ဒေသခံပြည်သူတွေက တရားခံကိုထိရောက်တဲ့ ပြစ်ဒဏ်ပေးဖို့လမ်းပေါ်ထွက် ဆန္ဒထုတ်ဖော်မှုတွေလည်း ပြုလုပ်ခဲ့ကြပါတယ်။
မြို့နယ်တရားရုံးကနေ ၅ လကျော်ကြာ စစ်ဆေးခဲ့ပြီးနောက် တရားခံက သူကျူးလွန်ခဲ့တာ မှန်ကန်ကြောင်း ဝန်ခံခဲ့တာကြောင့် ရာဇသတ်ကြီးပုဒ်မ ၃၀၂ (၁)(ဂ) အရ အခုလို ပြစ်ဒဏ်ချမှတ်ခဲ့တာ ဖြစ်ပါတယ်။
