Border News Agency
ကျောက်တော်၊ ဧပြီ ၁၀။
အာရက္ခတပ်တော် (AA) တည်ထောင်ခြင်း ၁၇ နှစ်ပြည့် အထိမ်းအမှတ်သို့ ကျောင်းသားတပ်ဦး /ကျောင်းသားလက်ရုံးတပ်တော် (SAF) က ဂုဏ်ပြုသဝဏ်လွှာ ပေးပို့ခဲ့ပါတယ်။
အဲဒီထဲ ဖိနှိပ်မှုမှန်သမျှ တိုက်ထုတ်ရာမှာ AA နဲ့အတူ ရဲဘော်ရဲဘက်ပီသစွာ အဆုံးအထိ လက်တွဲသွားမယ်လို့လည်းကတိပြုလိုက်ပါတယ်။
အာရက္ခပြည်သူလူထုတရပ်လုံး လွတ်မြောက်ရေးအတွက် AA ရဲ့ ၁၇ နှစ်တာ တော်လှန်ရေးခရီးကြမ်းအတွင်း ပေးဆပ်စွန့်လွှတ်မှုတွေကို လေးစားအသိအမှတ်ပြုတယ်လို့ဆိုပါတယ်။
အကြမ်းဖက်စစ်အုပ်စုဟာ ပြည်သူလူထုကို သတ်ဖြတ်တာ၊ ဆေးရုံတွေကိုတိုက်ခိုက်တာစတဲ့ ရာဇဝတ်မှုတွေကိုနေ့စဉ်ကျူးလွန်နေပေမယ့်လည်း AA အနေနဲ့ အာရက္ခအောင်လံကို ကြံ့ကြံ့ခံ လွှင့်ထူထားနိုင်တယ်လို့ဆိုပါတယ်။
SAF အနေနဲ့ AA ဆီမှာ တော်လှန်ရေးအတွေ့အကြုံနဲ့ နည်းနာတွေကိုသင်ယူခွင့်ရတဲ့အတွက် ကျေးဇူးတင်ရှိပြီး တော်လှန်ရေးခရီးတလျှောက် အတူတကွ ပူးပေါင်းဆောင်ရွက်သွားမယ်လို့ ဆိုပါတယ်။
ရက္ခိုင်အမျိုးသားအဖွဲ့ချုပ် (ULA) နဲ့အာရက္ခတပ်တော် (AA) ရဲ့ရက္ခိတလမ်းစဉ်ဟာအောင်မြင်စွာအကောင်အထည်ပေါ်လာပြီး အာရက္ခပြည်သစ်ကို မကြာမီ ထူထောင်နိုင်ပါစေကြောင်းလည်း ဆုမွန်ကောင်းတောင်းထားပါတယ်။
