Border News Agency
မြောက်ဦး၊ ဧပြီ ၁၉။

အာဏာသိမ်းစစ်တပ်ဟာ လေယာဥ်တွေအစုလိုက်လာရောက်ပြီး အစုလိုက်လေကြောင်းတိုက်ခိုက်တာတွေပြုလုပ်နေပါတယ်။

အာဏာသိမ်းစစ်တပ်ဟာအရင်တုန်းကလေယာဥ်နှစ်စီး၊သုံးစီးထိသာလာရော က်ပြီးဗုံးလေးငါးလုံးခန့်သာပစ်ခတ်တို က်ခိုက်ခဲ့တာပါ။

ဒါပေမယ့်ခုနောက်ပိုင်းမှာလေယာဥ်ငါးစီးထိလာရောက်ပြီးဗုံးအလုံးရေတရာကျော်ထိအစုလိုက်အပြုံလိုက်ပစ်ခတ်တိုက်ခိုက်တာတွေပြုလုပ်နေပါတယ်။

အဲဒီအပြင်လေကြောင်းတိုက်ခိုက်မှုတွေကိုသုံးနာရီကျော်ထိဆက်တိုက်ပစ်ခတ်တိုက်ခိုက်တာတွေပြုလုပ်နေတာပါ။

အဲဒီလိုဗျူဟာပြောင်းပြီးအစုလိုက်အ ပြုံလိုက်တိုက်ခိုက်နေတာဟာ မြေပြင်အတိုက်ခံရတဲ့နေရာကိုအပြောင်ရှင်းစနစ်ကိုကျင့်သုံးနေတာလို့စစ်ရေးလေ့ လာစောင့်ကြည့်နေကြသူတွေက ဆိုကြပါတယ်။

အာရက္ခတပ်တော်ထိန်းချုပ်ထားတဲ့ အ မ်းမြို့နယ်၊ဒါးလက်ချောင်းအကျဉ်းစခ န်းကို ပြီးခဲ့တဲ့မတ်လ ၈ ရက်နေ့၊နံနက် ၁၁ နာရီ ၂ မိနစ်မှမွန်းလွဲ ၂ နာရီ ၂၈ မိနစ်အချိန်ထိသုံးနာရီခွဲခန့်မရပ်မနား ဆက်တိုက်ပြုလုပ်ခဲ့တယ်လို့ အာရက္ခတပ်တော်ကထုတ်ပြန်ထားပါတယ်။

အဲဒီလိုအစုလိုက်၊အပြုံလိုက်လေကြော င်းတိုက်ခိုက်တာတွေကိုစစ်ကော်မရှင်တပ်တိုက်လေယာဥ်လေးစီးနဲ့ Y-12 လေယာဥ်လေးစီး၊စုစုပေါင်းလေယာဥ်ရှစ်စီးနဲ့တိုက်ခိုက်ခဲ့တာလို့ အာရက္ခတပ်တော်က ဆိုပါတယ်။

အာဏာသိမ်းစစ်တပ်ရဲ့ကာကွယ်ရေးဦးစီးချုပ်အပြောင်းအလဲဖြစ်လာပြီးနော က်မှာအစုလိုက်အပြုံလိုက်လေကြောင်းတိုက်ခိုက်မှုတွေမကြာခဏပြုလုပ်လာတာဖြစ်ပါတယ်။

အဲဒီလိုလေယာဥ်အများအပြားတပြိုင်တည်းဗုံးအလုံးရေအများအပြားပစ်ခ တ်တိုက်ခိုက်နေတာမို့သေဆုံးဒဏ်ရာရပျက်စီးမှုတွေလည်း ပိုမိုများလားနေပါတယ်။