Border News Agency
ရမ်းဗြဲ၊ ဧပြီ ၁၉။
တရုတ်-မြန်မာသဘာဝဓာတ်ငွေ့ပိုက်လိုင်းစတင်ရာ ရမ်းဗြဲကျွန်းကို အာဏာသိမ်းစစ်တပ်ပြန်သိမ်းဖို့ကြိုးစားနေပါတယ်။
အဲဒီရမ်းဗြဲကျွန်းကို အာဏာသိမ်းစစ်တပ်ရဲ့ရေတပ်စစ်သင်္ဘောကြီးတွေအသုံးပြုပြီး ကမ်းတက်စစ်ဆင်ရေးပြုလုပ်ဖို့ကြိုးစားနေတာဟာ တရုတ်စီးမံကိန်းတွေကို စတင်အကောင်အထည်ဖော်နိုင်ဖို့ဖြစ်တယ်လို့ ရခိုင်အရေးစောင့်ကြည့်လေ့လာနေကြသူတွေက ဆိုကြပါတယ်။
“ရမ်းဗြဲကျွန်းမှာတရုတ်တည်ဆောက်မယ့်စီမံကိန်းအတွက် အာဏာသိမ်းစစ်တပ်နဲ့တရုတ်က စာချုပ်ချုပ်ထားပြီးသာပါ။အဲဒါကိုအကောင်အထည်ဖော်ဖို့အတွက်တရုတ်က အာဏာသိမ်းစစ်တပ်ကိုဖိအားပေးနေတာပါ။အဲဒါကြောင့်အာဏာသိမ်းစစ်တပ်က စစ်အင်အားသုံးပြီးပြန်သိမ်းနိုင်ဖို့ကြိုးစားနေတာလို့သေချာပါတယ်။” လို့ ရခိုင်အရေးစောင့်ကြည့်လေ့လာနေကြသူတဦးက Border News Agency ကို ပြောပါတယ်။
အဲဒီရမ်းဗြဲကျွန်းအနီးအပါအဝင်ရမ်းဗြဲ၊ကျောက်ဖြူ၊မာန်အောင်စတဲ့ရေလ က်ကြားနေရာတွေမှာအာဏာသိမ်းစစ်တပ်ရေတပ်စစ်သင်္ဘောကြီးအစီးရေနှစ်ဆယ်ကျော်ထိဖြန့်ချနေရာယူထားတယ်လို့ အာဏာသိမ်းစစ်တပ်ရေတပ်အသို င်းအဝိုင်းက ဆိုကြပါတယ်။
အဲဒီရမ်းဗြဲကျွန်းရှိ ၂၃၇ ဧကဟာ တရု တ်စီမံကိန်းတွေအကောင်အထည်ဖော်မယ့်နေရာမှာပါဝင်ပြီး တဖက်ကမ်းရှိကျောက်ဖြူမြို့နယ်၊မဒေးကျွန်းကလ ည်း ၃၇၀ ဧကပါဝင်ပါတယ်။
အဲဒီကျောက်ဖြူအထူးစီးပွားရေးဇုန်ရေ နက်ဆိပ်ကမ်းစီမံကိန်းမှာပါဝင်တဲ့ရမ်းဗြဲကျွန်းဟာ တရုတ်-မြန်မာသဘာဝဓာ တ်ငွေ့ပိုက်လိုင်းစတင်တဲ့နေရာဖြစ်သ လိုကျောက်ဖြူ၊ရမ်းဗြဲ၊မာန်အောင်၊တောင်ကုတ်၊မြေပုံစတဲ့နေရာတွေကိုထိ န်းချုပ်သွားလာနိုင်တဲ့အကြီးဆုံးကျွန်းလည်းဖြစ်ပါတယ်။
အဲဒါကြောင့်အာဏာသိမ်းစစ်တပ်ကအ ရေးတကြီးပြန်လည်သိမ်းယူနိုင်ဖို့ကြိုးစားနေတာဖြစ်ပြီးတရုတ်နိုင်ငံကလည်းအာရက္ခတပ်တော်(AA)ကို ဖိအားပေးပြ န်ပေးခိုင်းတာတွေဖြစ်လာနိုင်တယ်လို့ရခိုင်အရေးစောင့်ကြည့်လေ့လာနေကြသူတွေက ဆိုကြပါတယ်။
“ကမ္ဘာ့ပထဝီနိုင်ငံရေးအရအလွန်အရေပါတဲ့ပင်လယ်ထွက်ပေါက်စီမံကိန်းကိုတရုတ်ကရအောင်လုပ်မှာပါပဲ။အာဏာသိမ်းစစ်တပ်လိုတာအကုန်ကူညီပေးပြီးအကောင်အထည်ဖော်မှာပါပဲ။အေအေကိုလည်းဖိအားပေးလို့ရသအောင်ဖိ အားပေးပြန်ပေးခိုင်းမှာပါပဲ။သူတို့အ ကျိုးစီးပွားကိုဘယ်အဖွဲ့ကအများကြီးဆောင်ရွက်ပေးနိုင်လဲ။ကာကွယ်ပေးနိုင်လဲ။အဲဒီအဖွဲ့ကိုပိုအခွင့်အရေးပေးမှာပါပဲ။”လို့ ရခိုင်အရေးစောင့်ကြည့်လေ့လာနေကြသူတဦးက Border News Agency ကို ပြောပါတယ်။
အဲဒီကျောက်ဖြူခရိုင်၊ရမ်းဗြဲကျွန်းကို ပြီးခဲ့တဲ့ ၂၀၂၄ ခုနှစ်၊မတ်လ ၁၁ ရက်နေ့က အာရက္ခတပ်တော်မှအပြီးသတ် သိမ်းပိုက်ထိန်းချုပ်ထားပြီး ကျောက် ဖြူမြို့နယ်ကို ထိုးစစ်ဆင်တိုက်ခိုက်နေဆဲဖြစ်ပါတယ်။
အဲဒီကျောက်ဖြူမြို့ပေါ်အပါအဝင်မာန်အောင်ကျွန်းကို အာဏာသိမ်းစစ်တပ်ကထိန်းချုပ်ထားပြီးကျောက်ဖြူမြို့န ယ်၊နယ်ဖက်နေရာတွေအပါအဝင်ရမ်းဗြဲကျွန်းကို အာရက္ခတပ်တော်ထိန်းချုပ်ထားပါတယ်။
အဲဒီကျောက်ဖြူမြို့နယ်အပါအဝင်အ နီးအနားမြို့နယ်အားလုံးနီးပါးအပါအဝ င်တရုတ်စီမံကိန်းဧရိယာတလျှောက်ကိုလည်း အာရက္ခတပ်တော်ထိန်းချုပ်ထားတာဖြစ်ပါတယ်။
အဲဒီတရုတ်စီမံကိန်းတွေကို လာမယ့်မေ လမှာပြန်လည်အကောင်အထည်ဖော်ဆက်လုပ်မှာဖြစ်သလိုအာရက္ခတပ်တော်ကိုတရုတ်ကတွေ့ဆုံဆွေးနွေးမယ်လို့သတင်းတွေထွက်ပေါ်နေပါတယ်။
အဲဒီစီမံကိန်းတွေအတွက်နောက်ဆက် တွဲစာချုပ်တွေကို အာဏာသိမ်းစစ်တပ်နဲ့တရုတ်ထပ်မံချုပ်ဆိုထားတာဖြစ်ပြီးကျောက်ဖြူရေနက်ဆိပ်ကမ်းအပါအ ဝင်အထူးစီးပွားရေးဇုန်၊သဘာဝဓာတ် ငွေ့ပိုက်လိုင်း၊ကျောက်ဖြူ-ကူမင်းရ ထားလမ်းစီမံကိန်းတွေလည်းပါဝင်ပါတယ်။
