Border News Agency
အီရန်၊ဧပြီ ၂၀။
အမေရိကန်-အစ္စရေးနဲ့ အီရန်ကြား ဖြစ်ပွားနေတဲ့ စစ်ပွဲကိုအဆုံးသတ်ဖို့အတွက် အမေရိကန်ညှိနှိုင်းရေးအဖွဲ့ဟာ ပါကစ္စတန်နိုင်ငံ၊အစ္စလာမ္မာဘတ်မြို့ကို လာမယ့်တနင်္လာနေ့မှာ သွားရောက်မယ်လို့ သမ္မတ ဒေါ်နယ်ထရန့်က ကြေညာလိုက်ပါတယ်။
အဲဒီဆွေးနွေးပွဲဟာ နှစ်ဖက်ကြားတင်းမာမှုတွေကို လျှော့ချပြီး ငြိမ်းချမ်းရေးရရှိဖို့ ရည်ရွယ်တာဖြစ်ပြီး ပါကစ္စတန်အစိုးရက ကြားဝင်စေ့စပ်ပေးတဲ့ အစီအစဉ်လည်း ဖြစ်ပါတယ်။
ပြီးခဲ့တဲ့ရက်ပိုင်းက ပါကစ္စတန်မှာပြုလုပ်တဲ့ အဆင့်မြင့်ဆွေးနွေးပွဲတွေမှာတော့ အပြီးသတ်သဘောတူညီချက် မရရှိသေးဘဲ အီရန်ဘက်ကလည်း သူတို့ဆိပ်ကမ်းတွေကို ပိတ်ဆို့ထားတာ ရုပ်သိမ်းမှသာ ဟော်မုဇ်ရေလက်ကြားကို ပြန်ဖွင့်မယ်လို့ တင်းခံထားပါတယ်။
လက်ရှိမှာ နှစ်ဖက်စလုံးက တင်းမာတဲ့ ရပ်တည်ချက်တွေရှိနေပေမယ့် အခုလို ကိုယ်စားလှယ်အဖွဲ့ စေလွှတ်လိုက်တာကြောင့် စစ်ပွဲရပ်တန့်ရေးအတွက် မျှော်လင့်ချက်အသစ်တွေ ထွက်ပေါ်လာတာလည်း ဖြစ်ပါတယ်။
ပါကစ္စတန်နိုင်ငံခြားရေးဌာနနဲ့ အီဂျစ်နိုင်ငံတို့ကလည်း လာမယ့်ရက်ပိုင်းအတွင်းမှာ ခိုင်မာတဲ့ သဘောတူညီချက်တစ်ခု ရနိုင်ဖို့အတွက် အားတက်သရော ညှိနှိုင်းပေးနေပါတယ်။
