Border News Agency
အီရန်၊ ဧပြီ ၂၀။
အမေရိကန်က ချမှတ်ထားတဲ့ ရေတပ်ပိတ်ဆို့မှုကို ချိုးဖောက်ပြီးအီရန်ဆိပ်ကမ်းကို ဝင်ဖို့ကြိုးစားတဲ့အီရန်ကုန်တင်သင်္ဘောတစီးကို အမေရိကန်ရေတပ်က ပစ်ခတ်တားဆီးလိုက်တယ်လို့ဧပြီလ ၂၀ ရက်၊ဒီနေ့ထုတ်ပြန်ပါတယ်။
အဲဒီအာရပ်ပင်လယ်အတွင်း ခုတ်မောင်းနေတဲ့ အီရန်အလံတင် M/V Touska သင်္ဘောကို အမေရိကန်ဖျက်သင်္ဘော USS Spruance က ဧပြီလ ၁၉ ရက်က ကြားဖြတ်တားဆီးခဲ့တာပါ။
အမေရိကန်ဘက်က ၆ နာရီကြာ သတိပေးခဲ့ပေမယ့် လိုက်နာတာမရှိလို့ သင်္ဘောအင်ဂျင်ခန်းကို အမြောက်နဲ့ပစ်ခတ်ပြီး သွားလာလို့မရအောင် လုပ်ဆောင်ခဲ့တာလို့ဆိုပါတယ်။
အဲဒီနောက်မှာတော့ အမေရိကန်မရိန်းတပ်ဖွဲ့ဝင်တွေက သင်္ဘောပေါ် တက်ရောက်စီးနင်းခဲ့ပြီး လက်ရှိမှာ အမေရိကန်ဘက်က ထိန်းသိမ်းထားတယ်လို့ ဆိုပါတယ်။
ရေတပ်ပိတ်ဆို့မှု စတင်ကတည်းက အမေရိကန်တပ်ဖွဲ့တွေဟာ ပိတ်ဆို့မှုကို ချိုးဖောက်တဲ့ သင်္ဘော ၂၅ စီးကို ပြန်လှည့်ခိုင်းတာ၊ဆိပ်ကမ်းဆီ ပြန်ခိုင်းတာတွေ လုပ်ဆောင်ခဲ့တယ်လို့လည်းဆိုပါတယ်။
