Border News Agency
အီရန်၊ ဧပြီ ၂၂။
အီရန်နိုင်ငံကို အထောက်အပံ့ပေးနေတဲ့ M/T Tifani ဆိုတဲ့ ဆီတင်သင်္ဘောတစီးကို အမေရိကန်တပ်ဖွဲ့တွေက အင်ဒို-ပစိဖိတ်ဒေသအတွင်းမှာ ဧပြီလ ၂၁ နေ့ကဖမ်းဆီးလိုက်ပါတယ်။
အဲဒီသင်္ဘောဟာ ဘယ်နိုင်ငံမှာမှ မှတ်ပုံတင်မထားသလို အီရန်ရဲ့တရားမဝင်လုပ်ငန်းတွေကို ကူညီပေးနေတဲ့အတွက် ဒဏ်ခတ်ပိတ်ဆို့ခံထားရတဲ့ သင်္ဘောလည်း ဖြစ်ပါတယ်။
အမေရိကန်စစ်ဌာနချုပ်ဘက်ကတော့ အီရန်ကို ထောက်ပံ့ပေးနေတဲ့ တရားမဝင် ကွန်ရက်တွေကို ဖြိုခွဲဖို့နဲ့ ပိတ်ဆို့ခံထားရတဲ့ သင်္ဘောတွေကို ဘယ်နေရာမှာမဆို လိုက်လံဖမ်းဆီးသွားမယ်လို့ပြောထားပါတယ်။
နိုင်ငံတကာရေပိုင်နက်တွေဟာ ပိတ်ဆို့ခံထားရတဲ့ သင်္ဘောတွေအတွက် ပုန်းခိုရာနေရာ မဟုတ်သလို တရားမဝင်လှုပ်ရှားနေတဲ့ သင်္ဘောတွေကို ရေကြောင်းနယ်ပယ်မှာ လုံးဝခွင့်ပြုမှာမဟုတ်ဘူးလို့လည်း ဆိုပါတယ်။
အီရန်နဲ့ အမေရိကန်ကြား တင်းမာမှုတွေ မြင့်တက်နေသလိုအီရန်ဘက်ကလည်း သူတို့ရဲ့ သင်္ဘောတွေကို ဖမ်းဆီးနေတဲ့အပေါ်မှာ သေချာပေါက် လက်တုံ့ပြန်သွားမယ်လို့ ပြန်လည်ခြိမ်းခြောက်ထားပါတယ်။
