Border News Agency
မကွေး၊ ဧပြီ ၂၂။
မကွေးတိုင်း၊ မြိုင်မြို့နယ်၊ သရက်ကန်ပျူစောထီးရွာမှာ ကင်းလှည့်ထွက်လာတဲ့ စစ်ကော်မရှင်တပ်သားတွေကို ဧပြီလ ၂၀ ရက်နေ့က မိုင်းဆွဲတိုက်ခိုက်ခဲ့ရာ ရဲတဦးသေဆုံးသွားတယ်လို့ TYK ပြောက်ကြားတပ်ဖွဲ့ကထုတ်ပြန်ပါတယ်။
ရွာနဲ့မီတာ ၃၀၀ လောက်အကွာမှာ ပုံမှန်ကင်းလှည့်နေတဲ့ စစ်ကော်မရှင်တပ်သားတွေကို တော်လှန်ရေးမဟာမိတ်တပ်ဖွဲ့တွေက ကြိုတင်ထောင်ထားတဲ့ မိုင်းတွေနဲ့ဖောက်ခွဲတိုက်ခိုက်ခဲ့တာဖြစ်ပါတယ်။
အဲဒီတိုက်ခိုက်မှုအတွင်း စစ်ကော်မရှင်ဘက်က ရဲတဦးသေဆုံးပြီးနောက် သူကိုင်ဆောင်တဲ့ G3 သေနတ်တလက်၊ ကျည်ဘောက် နှစ်ခုနဲ့ ကျည်ဆံခြောက်ဆယ်တောင့်ကို သိမ်းဆည်းရမိခဲ့တယ်လို့ဆိုပါတယ်။
ဒါပေမယ့် မိုင်းကွဲတဲ့ဒဏ်ကြောင့် သိမ်းဆည်းရမိတဲ့ သေနတ်နဲ့ကျည်ဘောက်အချို့ပျက်စီးသွားခဲ့ရပြီး တော်လှန်ရေးရဲဘော်တွေကတော့ အထိအခိုက်မရှိဘဲဘေးကင်းကင်းနဲ့ ပြန်လည်ဆုတ်ခွာနိုင်ခဲ့တယ်လို့ဆိုပါတယ်။
အဲဒီစစ်ကော်မရှင်တပ်သားတွေကို TYK ပြောက်ကြားတပ်ဖွဲ့၊ ဇာမဏီပြောက်ကြားတပ်ဖွဲ့၊ ဒေါင်းညီနောင်တပ်ဖွဲ့နဲ့ ဒေါင်းမာန်တပ်ဖွဲ့တို့က ပူးပေါင်းတိုက်ခိုက်ခဲ့တာလို့ဆိုပါတယ်။
