Border News Agency
မြောက်ဦး၊ ဧပြီ ၂၄။
အာရက္ခတပ်တော်(AA)ထိန်းချုပ်ထားတဲ့ မြောက်ဦးမြို့နယ်၊ ပေါက်ပင်ကွင်းကျေးရွာမှာ ဧပြီလ ၂၂ ရက်နေ့ကအ သက်လေးနှစ်အရွယ် မိန်းကလေးငယ်တဦးကို အသက်ခြောက်ဆယ်အရွယ် အမျိုးသားတဦးက အဓမ္မပြုကျင့်ခဲ့ပါတယ်။
အဲဒီပေါက်ပင်ကွင်းကျေးရွာမှ အသက်ခြောက်ဆယ်အရွယ်ဦးသင်္ခါကျော်ဟာ လမ်းပေါ်မှာသွားလာနေတဲ့ မိန်းကလေးငယ်ကိုနေအိမ်သို့ လိမ်လည်ခေါ်ယူကာ အဝတ်အစားတွေကိုဆုတ်ဖြဲပြီး အဓမ္မ ပြုကျင့်ခဲ့တာပါ။
အဲဒီသက်ငယ်မုဒိန်းမှုကျူးလွန်သူကို အာရက္ခပြည်သူ့တော်လှန်ရေးအစိုးရရဲ့ နယ်မြေခံ DLEPS တပ်ဖွဲ့က ဖမ်းဆီးအမှုဖွင့်ထားပြီး ဥပဒေနဲ့အညီစစ်ဆေးမှုတွေပြုလုပ်နေပါတယ်။
အဲဒီမြောက်ဦးမြို့ရှိ (ဘက)ကျောင်းတခုမှာအသက်ရှစ်နှစ်အရွယ် ကျောင်းသူတဦးကို ကျောင်းဆရာဖြစ်သူက မုဒိန်းမှုကျူးလွန်ရန်ကြံစည် ပြီးခဲ့တဲ့ ဖေဖော် ဝါရီလကဖြစ်ခဲ့ပါတယ်။
အာရက္ခဒေသမှာအသက်ဆယ့်နှစ်နှစ်အောက်အမျိုးသမီးကိုမုဒိန်းမှုကျူးလွန်ပါက ရာဇသတ်ကြီးပုဒ်မ ၃၇၆(၃) အရ ထောင်ဒဏ် တသက်တကျွန်း ဒါမှမဟုတ် ထောင်ဒဏ်အနှစ်နှစ်ဆယ်ထိ ချမှတ်အရေးယူသွားမယ်လို့ အာရက္ခပြည်သူ့တော်လှန်ရေးအစိုးရထုတ်ပြန်ထားပါတယ်။
