Border News Agency
ကော့ဘဇား၊ဇူလိုင် ၆။
ဘင်္ဂလားဒေ့ရှ်နိုင်ငံ၊ ကော့ဘဇားခရိုင်၊ အူခီယာရှိရိုဟင်ဂျာဒုက္ခသည်စခန်းတွေမှာ ဇူလိုင်လ ၅ ရက်နေ့ကမိုးသည်းထန်စွာရွာသွန်းပြီး မြေပြိုတာကြောင့် ရိုဟင်ဂျာဒုက္ခသည်ရှစ်ဦး သေဆုံးသွားပါတယ်။
အဲဒီမှာ အမျိုးသမီးတွေနဲ့ကလေးငယ်တွေပါဝင်ပြီး မိုးအဆက်မပြတ်ရွာသွန်းမှုကြောင့် မြေပြိုတာပါ။
အဲဒီမြေပြိုမှုဟာ ဒုက္ခသည်စခန်း အမှတ် ၁၅၊ ၁၁ နဲ့ ၇ မှာ ဖြစ်ခဲ့ပြီး တောင်စောင်းတွေပြိုကျကာ နေအိမ်တွေကို ဖုံးသွားခဲ့တာပါ။
အဲဒီနေရာတွေမှာ သက်ဆိုင်ရာအဖွဲ့တွေက ကယ်ဆယ်ရေးတွေလုပ်နေပြီး နောက်ထပ်မြေပြိုနိုင်ခြေရှိတဲ့နေရာက ဒုက္ခသည်တွေကို ဘေးလွတ်ရာရွှေ့ပြောင်းဖို့ ပြင်ဆင်နေကြပါတယ်။
