Border News Agency
မင်းပြား၊ ဇူလိုင် ၁၄။
မင်းပြားမြို့နယ်အတွင်း ရေကြီးတာတွေပြန်ကျသွားပြီးနောက် မြို့ပေါ်ရပ်ကွက်တွေနဲ့ ကျေးရွာလမ်းမတွေပေါ်ရှိ တင်ကျန်ခဲ့တဲ့အမှိုက်တွေကို ဒေသခံတွေနဲ့ အာရက္ခအစိုးရတို့ပူးပေါင်းပြီး ဇူလိုင်လ ၁၃ ရက်နေ့က ရှင်းလင်းခဲ့ကြပါတယ်။
အဲဒီမင်းပြားမြို့နယ်အတွင်း ဇူလိုင်လ ၁ ရက်နေ့ကစပြီး မိုးအဆက်မပြတ်ရွာသွန်းခဲ့မှုကြောင့် ရာမောင်မြစ်ရေလျှံတက်ကာ ဇူလိုင်လ ၈ ရက်နေ့ကစတင်ကာ ရေကြီးရေလျှံမှုဖြစ်ပွားခဲ့တာဖြစ်ပါတယ်။
အဲဒီအပြင် ဇူလိုင်လ ၁၂ ရက်နေ့မှာ ရေတွေအားလုံးပြန်ဆင်းသွားခဲ့တာကြောင့် လမ်းတွေပေါ်ရှိ ရွှံ့နွံတွေနဲ့မျောပါလာတဲ့ အမှိုက်တွေကို ဖယ်ရှားတာ၊ ရေမြောင်းတွေအတွင်း ပိတ်ဆို့နေတဲ့အမှိုက်တွေကိုရှင်းလင်းတာ စတဲ့သန့်ရှင်းရေးလုပ်ငန်းတွေလုပ်ခဲ့ကြတာပါ။
ခုလက်ရှိလမ်းနဲ့ရေမြောင်းတွေအတွင်း ပိတ်ဆို့မှုတွေအားလုံးကို ရှင်းလင်းပြီးစီးသွားပြီဖြစ်လို့ ရေစီးရေလာတွေပြန်ကောင်းလာပြီ ဖြစ်ပါတယ်။
