Border News Agency
ကွာလာလမ်ပူ၊ ဇူလိုင်လ ၁၄။
မလေးရှားနိုင်ငံ၊ကဒါးပြည်နယ်၊ ကွာလာမူဒါဒေသမှာ နောက်ထပ်မြန်မာတဆယ့်ငါးဦး အဖမ်းခံလိုက်ရပါတယ်။
ကွာလာမှုဒါဒေသရှိ လုပ်ငန်းခွင်ရှစ်ခုကို ဇူလိုင်လ ၁၃ ရက်နေ့က မလေးရှားလူဝင်မှုကြီးကြပ်ရေးဌာန(JIM)က ဝင်ရောက်စစ်ဆေးခဲ့ရာ တရားမဝင်မြန်မာနိုင်ငံသား တဆယ့်ငါးဦးအပါအဝင် စုစုပေါင်းနှစ်ဆယ့်နှစ်ဦးကို ဖမ်းဆီးထိန်းသိမ်းခဲ့ပါတယ်။
အဲဒီဖမ်းဆီးခံရသူတွေထဲမှာ မြန်မာတဆယ့်ငါးဦးအပြင် အင်ဒိုနီးရှားလေးဦး၊ ဘင်္ဂလားဒေ့ရှ်နှစ်ဦးနဲ့ ထိုင်းတဦးတို့ပါဝင်ပါတယ်။
အဲဒီအလုပ်သမားတွေထဲက စုစုပေါင်း လူခုနှစ်ဆယ့်ခြောက်ဦးကိုစစ်ဆေးခဲ့တာဖြစ်ပြီး ဖမ်းဆီးခံရသူတွေဟာ တရားဝင်နေထိုင်ခွင့်လက်မှတ်မရှိတာ၊ ဗီဇာသက်တမ်းကျော်လွန်နေထိုင်တာနဲ့ လူဝင်မှုကြီးကြပ်ရေးစည်းကမ်းချက်တွေကို ချိုးဖောက်တာတွေကြောင့် ဖမ်းဆီးခံရတာဖြစ်ပါတယ်။
အဲဒီဖမ်းဆီးရမိသူအားလုံးကို ဥပဒေအရ ဆက်လက်အရေးယူနိုင်ဖို့ ဘီလန်တစ်လူဝင်မှုကြီးကြပ်ရေး ထိန်းသိမ်းရေးစခန်းသို့ ပို့ထားတယ်လို့သိရပါတယ်။
