Border News Agency
ကျောက်တော်၊ဇူလိုင် ၁၆။
ကျောက်တော်မှာအိမ်တိုင်တူးရင်း ကို လိုနီခေတ် သမိုင်းဝင်ငွေဒင်္ဂါး ၂၉၂ ပြားတွေ့လို့ လာအပ်တဲ့ မြိုလူမျိုးမြေးအဘိုးနှစ်ဦးကို အာရက္ခပြည်သူ့တော် လှန်ရေးအစိုးရက ဇူလိုင်လ ၁၆ ရက်နေ့ဂုဏ်ပြုဆုငွေတွေ ချီးမြှင့်လိုက်ပါတယ်။
အဲဒီအဘိုးဦးထွန်းခိုင်နဲ့မြေး မောင်ဆန်းရဲလင်းထိုက်ဖြစ်ပြီး အမွေအနှစ်ကော်မ ရှင်ကသူတို့နှစ်ဦးကို ကျပ်သိန်း ၈၇ သိန်းကျော်စီပေးခဲ့တာပါ။
အဲဒီဒင်္ဂါးတွေကို ပြီးခဲ့တဲ့မေလ ၂၆ ရက်က မြေအိုးထဲတွေ့ခဲ့တာဖြစ်ပြီး သက္ကရာဇ် ၁၈၃၅ မှ ၁၉၁၃ ခုနှစ်အတွင်း ဗြိတိသျှအိန္ဒိယခေတ်ထုတ်သမိုင်းဝင် ၃၂ မျိုး ပါဝင်နေပါတယ်။
သူတို့ဟာ ကိုယ်ကျိုးမဖက်ဘဲ ရိုးရိုးသားသားလာအပ်တာမို့ အထူးချီးကျူးခဲ့ပါတယ်။
ပြီးခဲ့တဲ့ဖေဖော်ဝါရီလကလည်း မြောက်ဦးမှာ ဒင်္ဂါးပြားအပ်တဲ့ လူငယ်လေးဦးကို ဆုချီးမြှင့်ခဲ့ဖူးပါတယ်။
ရှေးဟောင်းအမွေအနှစ်ပစ္စည်းတွေ တွေ့ရင် သက်ဆိုင်ရာကိုစနစ်တကျ သတင်းပို့အပ်နှံကြဖို့ တော်လှန်ရေးအစိုးရက အသိပေးထားပါတယ်။
