Border News Agency
ဘန်ကောက်၊ဇူလိုင် ၁၇။
ဘန်ကောက်မြို့၊လတ်ဖရောင်းရှိ ဘားမီးလောင်မှုမှာ သေဆုံးခဲ့သူတွေရဲ့ရုပ်အလောင်းတွေကို စစ်ဆေးရာ ခန္ဓာကိုယ်အတွင်း ဆိုင်ယာနိုက်နဲ့ကာဗွန်မိုနောက်ဆိုက် ဓာတ်ငွေ့တွေတွေ့ရှိခဲ့တယ်လို့ ဘန်ကောက်ရဲမင်းကြီးက ဇူလိုင်လ ၁၆ ရက်နေ့မှာထုတ်ဖော်ပြောပါတယ်။
အဲဒီသေဆုံးသူတွေဟာ မီးလောင်ဒဏ် ရာကြောင့် တိုက်ရိုက်သေဆုံးတာမဟု တ်ဘဲ အဆိပ်ငွေ့တွေကိုအများအပြားရှူမိကာ မိနစ်ပိုင်းအတွင်း အသက်ရှူကျပ် သေဆုံးခဲ့ရတာလို့စစ်ဆေးချက်တွေကဖော်ပြပါတယ်။
ရဲတပ်ဖွဲ့က ဆိုင်ပိုင်ရှင်တွေရဲ့ ရှယ်ယာဖွဲ့စည်းပုံနဲ့ငွေကြေးစီးဆင်းမှုတွေကို အရေးတကြီး စစ်ဆေးနေပြီး ဒဏ်ရာပြင်းထန်ပြီး ဆေးရုံတင်ထားရတဲ့ ဆိုင်ပိုင်ရှင်ကိုလည်း ပေါ့ဆမှုကြောင့် လူသေစေတာ၊ခွင့်ပြုချက်မဲ့ အဆောက်အအုံမွမ်းမံတာတွေကြောင့် တရားစွဲဖို့ပြင်ဆင်နေပါတယ်။
အဲဒီအပြင် လျှပ်စစ်မီးကြိုးတွေကို ကိုယ်တိုင်တိုးချဲ့သွယ်တန်းရာမှ ဝန်ပိုဖြစ်ကာ မီးစတင်လောင်ကျွမ်းခဲ့တာလို့ယူဆရတဲ့အပြင် မီးလောင်ချိန်မှာ အရေးပေါ်ထွက်ပေါက်ကို သော့ခတ်ထားခဲ့တဲ့အချက်နဲ့ပတ်သက်ပြီးဥပဒေအရအရေးယူနိုင်ဖို့ သက်သေတွေကို မဆက်စစ်ဆေးနေပါတယ်။
