Border News Agency
နေပြည်တော်၊ဩဂုတ် ၁၅။
ဘင်္ဂလားဒေ့ရှ်နိုင်ငံကပို့လာတဲ့ နေရပ်စွန့်ခွာသူတွေထဲမှာ အကြမ်းဖက်မှုတွေနဲ့ပတ်သက်သူ လေးထောင်ကျော်ပါဝင်နေတယ်လို့ အာဏာသိမ်းစစ်တပ်ရဲ့ နိုင်ငံခြားရေးဝန်ကြီးဌာနက ဩဂုတ်လ ၁၅ ရက်နေ့ထုတ်ပြန်ပါတယ်။
အဲဒီလူဦးရေရှစ်သောင်းကျော်ထဲက ငါးသောင်းခွဲကျော်ကိုစိစစ်ခဲ့ပြီး ရခိုင်မှာအမှန်နေထိုင်ခဲ့သူသုံးသောင်းကျော်တွေ့ရသလို အကြမ်းဖက်မှုတွေကျူးလွန်ထား သူလေးထောင်ကျော်ပါဝင်နေတယ်လို့ဆိုပါတယ်။
အဲဒီအပြင်မြန်မာပြည်မှာနေထိုင်ခဲ့ကြောင်း အထောက်အထားမတွေ့ရသူ တသောင်းသုံးထောင်ကျော်ရှိတယ်လို့ဆိုပါတယ်။
အဲဒီဘင်္ဂလားဒေ့ရှ်စခန်းတွေမှာရောက်ရှိနေသူ အားလုံးကိုမြန်မာနိုင်ငံကလာရောက်သူတွေလို့ စွပ်စွဲပြောဆိုနေတာတွေအပေါ် စိုးရိမ်မကင်းဖြစ်ရတယ်လို့လည်း ဆိုပါတယ်။
အဲဒီနေရပ်စွန့်ခွာသူတွေပြန်လည်လက်ခံရေးအတွက် အရင်အစိုးရလက်ထက်မှာလည်း စိစစ်ရေးလုပ်ပြီးရှေ့ပြေးစမ်းသပ်စီမံကိန်းတွေနဲ့ ပြန်လက်ခံနိုင်အောင် တွေ့ဆုံညှိနှိုင်းမှုတွေလုပ်ခဲ့တယ်လို့ ဆိုပါတယ်။
အဲဒီနေရပ်စွန့်ခွာသူသူတွေကို ရခိုင်လုံခြုံရေးတိုးတက်ကောင်းမွန်လာမှသာ မြန်မာနိုင်ငံကညှိနှိုင်းပြီး ပြန်လည်လက်ခံသွားမယ်လို့ဆိုပါတယ်။
အဲဒီဘင်္ဂလားဒေ့ရှ်နိုင်ငံကဒုက္ခသည်စခန်းတွေမှာ ရိုဟင်ဂျာအမည်ခံလက်နက်ကိုင်အကြမ်းဖက်သမားတွေဟာ အကြမ်းဖက်လူသတ်တာတွေ၊ ပြန်ပေးဆွဲတာတွေ၊ မူးယစ်ဆေးဝါးလုပ်တာတွေအပြင် နယ်စပ်ဖြတ်ကျော်အကြမ်းဖက်မှုတွေကျူးလွန်နေကြပါတယ်။
